Ukraina hatovaja płacić za rasijski haz 386 dalaraŭ za tysiaču kubamietraŭ. Pra heta zajaviŭ ahienctvu Reuters kiraŭnik Nacyjanalnaha banka Ukrainy Ściapan Kubiŭ na schodzie Mižnarodnaha valutnaha fondu i Suśvietnaha banka ŭ Vašynhtonie.
Pa śniežańskich damoŭlenaściach, rasijski haz u pieršym kvartale abychodziŭsia Ukrainie ŭ 268,5 dalara. Z krasavika cana vyrasła da 485 dalaraŭ.
Ułady Ukrainy raniej nazyvali prymalnaj canu ŭ 268 dalaraŭ.
Pry hetym Kubiŭ zajaviŭ, što Kijeŭ apłacić usie rachunki.
Doŭh Ukrainy za haz pierad «Hazpromam» składaje 2,2 miljarda dalaraŭ. Da kanca hoda jon moža pavialičycca na 5-6 miljardaŭ dalaraŭ, zajaviŭ kiraŭnik «Hazproma» Alaksiej Miler.
Kamientary