Siońnia ranicaj na poŭnačy Danieckaj vobłaści pačałasia antyterarystyčnaja apieracyja, jakaja budzie pravodzicca ŭzvažana i paetapna.
Pra heta ŭ Viarchoŭnaj Radzie Ukrainy zajaviŭ v.a. prezidenta Alaksandr Turčynaŭ.
Pavodle jaho słoŭ, treba abaranić hramadzian Ukrainy, bo ŭ Danbasie nie tolki rasijski śpiecnaz i terarysty, ale i niezadavolenyja žychary.
Turčynaŭ nahadaŭ, što niekatoryja aburajucca dziejańniami ŭłady, tamu ŭčora ŭviečary była sproba atakavać i błakavać parłamient.
Śpikier zaklikaŭ hramadzian iści pracavać u padraździaleńni milicyi, u Nachvardyju i va Uzbrojenyja siły Ukrainy.
«Viadoma, možna zamianić usich — kiraŭnictva Rady biaśpieki, urad. Ale ad hetaha ŭ krainie nie pavialičycca resursaŭ. Siońnia treba spynić isteryku. Pavinna być kaardynacyja dziejańniaŭ. Spakojna i ŭpeŭniena my naviadziem paradak u našaj krainie», — adznačyŭ Turčynaŭ.
Kamientary