Łukašenka abviaściŭ vymovu Šejmanu i adabraŭ zbroju va Ŭdovikava
Praŭda, nie za źbićcio Łomacia, u jakim udzielničaŭ padnačaleny Šejmana, a «za niapilnaść i surjoznyja zahany ŭ arhanizacyi raboty orhanaŭ unutranych spraŭ i prakuratury pa vyjaŭleńni dziejnaści byłoha kamandzira roty MUS Siarhiejčyka».
Praŭda, nie za spravu ab źbićci staršyni Dziaržkantrolu Zianona Łomacia, u jakim udzielničaŭ padnačaleny Šejmana, a «za niapilnaść i surjoznyja zahany ŭ arhanizacyi raboty orhanaŭ unutranych spraŭ i prakuratury pa svoječasovym vyjaŭleńni i papiaredžańni złačynnaj dziejnaści byłoha kamandzira roty Haradzienskaha adździeła Departamentu achovy Ministerstva ŭnutranych spraŭ Siarhiejčyka A.V., jaki ździejśniŭ šerah naŭmysnych zabojstvaŭ i inšych ciažkich złačynstvaŭ u Haradzienskaj vobłaści, nienaležnaje vykanańnie słužbovych abaviazkaŭ».
Aproč Šejmana vymovu atrymaŭ taksama ministar unutranych spraŭ Uładzimier Navumaŭ. A jahony pieršy namieśnik Alaksandar Ščurko papiaredžany ab niapoŭnaj słužbovaj adpaviednaści.
Vymovu taksama atrymali dva inšyja namieśniki Navumava — Viktar Žyburtovič i Viktar Filistovič, a taksama namieśniki hieneralnaha prakurora Ściapan Kasucha i Viktar Prus.
Strohaja vymova abvieščana i deputatu – byłomu načalniku ŭpraŭleńnia ŭnutranych spraŭ Haradzienskaha abłvykankamu hienerał-majoru milicyi ŭ zapasie Biełašeŭskamu Anatolu. Jon atrymaŭ jaje za surjoznyja niedahlady ŭ kiraŭnictvie ŭpraŭleńniem unutranych spraŭ Haradzienskaha abłvykankamu, niepryniaćcie vyčarpalnych mieraŭ pa svoječasovym vykryćci niebiaśpiečnaha złačyncy;
Niepryjemny asadak paśla pračytańnia prezydenckaha ŭkazu zastaŭsia i ŭ byłoha pieršaha namieśnika ministra ŭnutranych spraŭ Michaiła Ŭdovikava. Łukašenka pazbaviŭ jaho ŭznaharodnaj ahniastrelnaj zbroi, atrymanaj na padstavie Ukazu Prezydenta Respubliki Biełaruś ad 3 žniŭnia 2004 h. № 373. A ŭsio z-za taho, što hienerał-major milicyi ŭ zapasie Ŭdovikaŭ nia vioŭ nieabchodny kantrol za dziejnaściu padnačalenych padraździaleńniaŭ kryminalnaj milicyi i za systemnyja niedachopy ŭ arhanizacyi raboty pa aperatyŭnym raskryćci i raśśledavańni šmatlikich zabojstvaŭ i inšych ciažkich złačynstvaŭ u Haradzienskaj vobłaści.
Siońnia pa asabistym ukazańni Łukašenki zajmanaj pasady buduć pazbaŭlenyja prakuror Haradzienskaj vobłaści Vasil Litvinaŭ i jahony namieśnik Uładzimier Aniśka, prakuror Kastryčnickaha rajonu Horadni Barys Taranka.
Kamientary