U čaćvier u Siejmie Litvy byŭ pryniaty Zakon ab uviadzieńni jeŭra ŭ Litvie. Paśla abmierkavańnia jaho ŭchvalili 87 deputataŭ, suprać prahałasavali 7, ustrymalisia 13.
Zakon vyznačaje, jak budzie adbyvacca padrychtoŭka da ŭviadzieńnia jeŭra ŭ 2015 h., abmien litaŭ, pieralik cen u jeŭra, a taksama paradak zdymańnia litaŭ z abarotu.
«Uviadzieńnie jeŭra — nie panaceja, ale i nie niejkaje niaščaście, — skazaŭ kansiervatar Andrus Kubilus. — Heta pakazvaje našu stałaść, my ŭstupajem u vialiki hrašovy sajuz».
Nieŭzabavie vyśvietlicca, ci moža Litva być pryniata ŭ jeŭrazonu.
Miarkujecca, što Litva imkniecca stać 19 siabram jeŭrazony z 2015 hoda.
U lipieni Rada kiraŭnikoŭ ES pavinna pryniać kančatkovaje rašeńnie i abviaścić kurs abmienu litaŭ na jeŭra.
Prahnazujecca, što jon zastaniecca takim ža, jak i ciapier — 3,4528 lita za 1 jeŭra. Centrabank Litvy abaviazvajecca mianiać lity na jeŭra biez kamisii nieabmiežavany čas i ŭ nieabmiežavanych sumach.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady22
Kamientary