У чацвер у Сейме Літвы быў прыняты Закон аб увядзенні еўра ў Літве. Пасля абмеркавання яго ўхвалілі 87 дэпутатаў, супраць прагаласавалі 7, устрымаліся 13.
Закон вызначае, як будзе адбывацца падрыхтоўка да ўвядзення еўра ў 2015 г., абмен літаў, пералік цэн у еўра, а таксама парадак здымання літаў з абароту.
«Увядзенне еўра — не панацэя, але і не нейкае няшчасце, — сказаў кансерватар Андрус Кубілюс. — Гэта паказвае нашу сталасць, мы ўступаем у вялікі грашовы саюз».
Неўзабаве высветліцца, ці можа Літва быць прынята ў еўразону.
Мяркуецца, што Літва імкнецца стаць 19 сябрам еўразоны з 2015 года.
У ліпені Рада кіраўнікоў ЕС павінна прыняць канчатковае рашэнне і абвясціць курс абмену літаў на еўра.
Прагназуецца, што ён застанецца такім жа, як і цяпер — 3,4528 літа за 1 еўра. Цэнтрабанк Літвы абавязваецца мяняць літы на еўра без камісіі неабмежаваны час і ў неабмежаваных сумах.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю5
Каментары