17 krasavika ŭ sudzie Maładziečanskaha rajona pačaŭsia praces pa spravie ŭ dačynieńni da rabočaha adnoj z budaŭničych firm horada, jaki abvinavačvajecca va ŭčynieńni złačynstva, praduhledžanaha č. 2 art. 340 KK (zaviedama łžyvaje paviedamleńnie pra niebiaśpieku, jakoje paciahnuła ciažkija nastupstvy).
Ab hetym BiełaPAN paviedamili ŭ Viarchoŭnym sudzie Biełarusi.
Papiaredniaje rasśledavańnie kryminalnaj spravy pravodziła śledčaje ŭpraŭleńnie USK pa Minskaj vobłaści.
Pavodle pradjaŭlenaha abvinavačańnia, 31-hadovy žychar Maładziečanskaha rajona razasłaŭ na adras 11 ustanoŭ adukacyi Maładziečna pa pošcie listy, jakija źmiaščali źviestki pra minavańnie škoły i patrabavańni ab nieabchodnaści pieravodu 10 tysiač dołaraŭ ZŠA na peŭnuju elektronnuju skryniu, kab bomba nie padarvałasia i nie zahinuli dzieci.
U vyniku złačynnych dziejańniaŭ mužčyny na nastupny dzień paśla pastupleńnia listoŭ va ŭstanovy (5 vieraśnia 2013 hoda) u metach harantavańnia biaśpieki hramadzian i vyjaŭleńnia padazronych pradmietaŭ, vybuchovych pryład byli raspačaty nieabchodnyja miery pa evakuacyi navučencaŭ i piersanału, mabilizavany padraździaleńni MUS, MNS, a taksama Maładziečanskaja centralnaja rajonnaja balnica. Straty na praviadzieńnie rabot pa likvidacyi nadzvyčajnaj situacyi, praviadzieńni mierapryjemstvaŭ pa vyjaŭleńni i praduchileńni teraktaŭ, evakuacyi ludziej skłali bolš jak 119 miljonaŭ rubloŭ.
Žadajučy ŭtaić źviestki, jakija dazvalajuć jaho identyfikavać, žychar Maładziečanskaha rajona niesankcyjanavana vykarystoŭvaŭ biespravodnuju kropku dostupu da sietki internet (WI-FI) i ad imia svajho znajomaha zarehistravaŭ elektronnuju skryniu i elektronny kašalok. U listach pra niebiaśpieku ŭkazaŭ numar niezakonna zarehistravanaha im elektronnaha kašalka.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady19
Kamientary