Lidar ŁDPR Uładzimir Žyrynoŭski učyniŭ skandał u piatnicu ranicaj pierad pačatkam plenarnaha pasiadžeńnia Dziarždumy Rasii, abraziŭšy ciažarnuju žurnalistku.
Jak paviedamlaje «RIA Naviny», karespandentka MIA «Rasija siońnia» spytała Žyrynoŭskaha, ci varta Rasii ŭvodzić sankcyi ŭ adkaz na ŭviedzienuju Ukrainaj zabaronu na ŭjezd rasiejcaŭ.
U adkaz Žyrynoŭski pačaŭ vykrykvać abrazy ŭ adras žurnalistki, a zatym abražać i kalehaŭ žurnalistku, što zastupilisia za dziaŭčynu. Vidać, jon pryniaŭ jaje za ŭkrainskuju žurnalistku, bo kryčaŭ pry hetym pra Majdan.
«Jakija sankcyi? Tak, pa-dobramu treba, łaskaj treba! Dzie tam hetyja prydurki, siudy idzi!» — skazaŭ jon, źviartajučysia da ludziej, jakija supravadžali jaho adnapartyjcaŭ.
«Siudy idzi taksama, žurnalistka! Davaj, ja skažu, a ty padbiahaješ i pačynaješ jaje žorstka hvałtavać… Chrystos uvaskros! Sapraŭdy ŭvaskros! Chrystos uvaskros! Sapraŭdy ŭvaskros!» — kryčaŭ Žyrynoŭski.
Kalehi žurnalistki pa parłamienckim pule atačyli dziaŭčynu, nie dajučy padyści da jaje. Karespandentka «Interfaksa» pasprabavała uhavaryć deputata, źviarnuŭšy jaho ŭvahu, što jon, aproč inšaha, abražaje ciažarnuju. Adnak heta nie spyniła Žyrynoŭskaha, i jon pieraklučyŭsia na jaje: «Vy budziecie pazbaŭlenyja pracy ŭ «Interfaksie», usio! Jość pytańni jašče?».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary