Sajt Instytuta kantrolu viedaŭ nie vytrymlivaje nahruzki z-za kolkaści achvotnych daviedacca vyniki repietycyjnaha ispytu
Respublikanski instytut kantrolu viedaŭ paviedamlaje ab vysokaj nahruzcy na svoj sajt z-za vielizarnaj kolkaści zapytaŭ ad achvotnych daviedacca vyniki repietycyjnaha centralizavanaha ekzamienu (RCE), piša BiełTA.
«Ciapier nazirajucca zboi ŭ pracy sajta RIKV z-za vysokaj nahruzki — staronka z vynikami moža nie adkryvacca abo zahružacca vielmi pavolna. Heta źviazana z tym, što ŭ dadzieny momant pastupaje vielizarnaja kolkaść zapytaŭ ad žadajučych daviedacca svaje bały», — havorycca ŭ paviedamleńni RIKV.
Śpiecyjalisty prosiać nie pieražyvać i nie sprabavać zachodzić kožnuju siekundu. Praca nad stabilizacyjaj sistemy ŭžo viadziecca.
Sioleta 100 bałaŭ na repietycyjnym centralizavanym ekzamienie atrymali 238 školnikaŭ.
Bolš za ŭsio maksimalnych vynikaŭ pa zamiežnaj movie (104), matematycy (51) i ruskaj movie (28). Siaredni vynik pa vučebnych pradmietach skłaŭ 55‑60 bałaŭ.
Pa anhlijskaj movie — 62,3 bała, bijałohii — 58,8, fizicy — 57,4, chimii — 57,3, matematycy — 56,3. Usiaho RIKV apracavana 57170 ekzamienacyjnych rabot pa 14 vučebnych pradmietach. Anulavanych z-za parušeńnia praviłaŭ vynikaŭ niama.
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?7
Kamientary