Na multyłejble «Piaršak» vyjšaŭ pieršy tom realici-natatak maładoha biełarusa Romy Śviečnikava, jaki ŭžo amal dva hady jedzie z zaplečnikam za śpinaj vakoł našaj płaniety.
Multymiedyjny prajekt «Roma jedzie» startanuŭ 1 lipienia 2012 hoda, kali dvaccacihadovy biełaruski chłopiec Roma Śviečnikaŭ kinuŭ vučobu va ŭniviersitecie, raźvitaŭsia ź siamjoj, siabrami i ŭtulnym pakojem u mienskim čatyrochpaviarchoviku dy vypraviŭsia ŭ biesterminovaje kruhaśvietnaje padarožža. Z saboj jon uziaŭ zaplečnik z rečami pieršaj nieabchodnaści, lustrany fotaaparat, maleńki łeptop i niešta kala dvuchsot dalaraŭ najaŭnymi.
Na praciahu ŭsiaho svajho trypu Roma litaralna ŭ darozie na kalency pisaŭ dla časopisa 34mag.net svaje natatki ŭ styli realici, mantavaŭ karotkija vidosy-ekśpierymienty, rabiŭ atmaśfiernyja fotki, zapisvaŭ huki miascovych radyjostancyj.
«Ź ciaham času papularnaść materyjału i jaho sensy pieraraśli ramki prajektu na sajcie, – kaža redaktar 34mag Danila Berencef. – Romaŭ virus svabody vyjšaŭ z-pad kantrolu i pieratvaryŭsia navat u niejki simvał novaha času, u hołas maładych. My zrazumieli, što heta treba hodna ŭpakavać, i pačali pracu nad knihaj».
Prezientavanaje na «Pieršaku» elektronnaje vydańnie – pieršy tom Romavych natatak, pieršaja pałova płaniety:
ad Biełarusi da ZŠA praz Hruziju, Armieniju, Iran, Azierbajdžan, Rasiju, Manholiju, Kitaj, Łaos i Tajłand. Heta kniha ŭnikalnaja tym, što druhi jaje tom pišacca ciapier u Paŭdniovaj Amierycy, siarod kaktusaŭ i na skryžavańniach narkatrafikaŭ. Pišacca hetak ža: na kalency i ŭ niaspynnym ruchu.
«Heta nie «lohkaje čytvo» ŭ «lohkim žanry», – adznačajuć vydaŭcy. – Nam padajecca, što sabrany Romam materyjał vielmi hłyboka preparuje žyćcio. Heta šmatsłojnaja kniha pra siłu i śmiełaść, vieru i mary, ujaŭnaje i realnaje, ludziej i hramadstva, miežy i kosmas. I heta dakładna naša kniha, bo my pryzvyčailisia akopvacca ŭ svaim kantekście, chavacca ŭ rakavinu i adkładać na čorny dzień. I hetaha treba pazbaŭlacca».
Spampavać knihu «Roma jedzie» možna biaspłatna na sajcie multyłejbła «Piaršak». Adznačym taksama, što bližejšym časam zapłanavany vychad papiarovaj viersii vydańnia.
Staronka multyłejbła «Piaršak»
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary