Staršy trenier zbornaj Ukrainy pa spartyŭnaj himnastycy tajemna pierajechaŭ u Biełaruś
Staršy trenier zbornaj Ukrainy pa spartyŭnaj himnastycy, zasłužany trenier Ukrainy Viačasłaŭ Łaŭruchin pierastaŭ vychodzić na suviaź, a potym raptam apynuŭsia ŭ Biełarusi, piša «Trybuna».
Pra pierajezd Łaŭruchina paviedamiła vice-prezidentka Ukrainskaj fiederacyi himnastyki Steła Zacharava.
«Jon byŭ staršym trenieram zbornaj. Fiederacyja rabiła ŭsio mahčymaje i niemahčymaje, kab jaho rekamiendavać na hetuju pasadu i ni ŭ jakim razie nie stracić adnaho ź viadučych trenieraŭ i dać jamu mahčymaść pracavać. Ale Łaŭruchin źjechaŭ u krainu-ahresarku, i ja asudžaju heta.
Takoha ŭvohule nie pavinna być, jamu pavinna być zakrytaja daroha va Ukrainu pažyćciova. Heta haniebny ŭčynak», — — kaža jana.
Pavodle Zacharavaj, Łaŭruchin adnojčy prosta źnik: «My pisali, telefanavali, ale jon nie adkazvaŭ. I paśla hetaha jon raptam apynuŭsia ŭ Biełarusi».
Łaŭruchin mieŭ prava źjechać z Ukrainy, bo jamu bolš za 60 hadoŭ.
«U nas niama zakonaŭ, kab utrymać trenieraŭ. My nie možam hetaha zrabić. U nas nie stvorany ŭmovy, u jakich było b kamfortna pracavać trenieram z hodnym zarobkam. A kali jość trenier, jaki choča prynosić vyniki, ale siadzić na zarpłacie 20 tysiač [hryŭniaŭ] (kala 400 jeŭra — Red.), to prabačcie. Kali jamu prapanavali 5 tysiač jeŭra, kim jon pavinien być?
My sutykajemsia ciapier z prablemaj, kali chutka nie budzie kamu pracavać. My stračvajem svoj trenierski patencyjał. Kali ministerstva budzie płacić takuju zarpłatu, to nikoli nie ŭtrymaje trenieraŭ. Voś u čym prablema», — skazała Zacharava.
Taksama situacyju prakamientavaŭ były ŭkrainski himnast, a ciapier trenier Ihar Radziviłaŭ. Doŭhi čas Łaŭruchin byŭ jaho trenieram.
«My pracavali razam bolš za 20 hadoŭ. Ale apošnija paŭhoda nie mieli nijakaj suviazi, i pra heta ja daviedaŭsia, tolki kali jon užo pierajechaŭ. Ja sam byŭ šakavany, bo nie viedaŭ, jakija ŭ jaho dumki i płany. Ci byli zvanočki? Dy nie, my na takija temy navat nie razmaŭlali, usio žyćcio prapracavali na karyść krainy. U mianie navat dumak nie było pra takoje. Nie mahu ničoha skazać. Heta jaho rašeńnie. Dla mianie heta było niečakanaściu», — skazaŭ Radziviłaŭ.
Łaŭruchin źjaŭlajecca zasłužanym trenieram Ukrainy. Jon najbolš viadomy mienavita pracaj z Radziviłavym — bronzavym pryzioram Alimpijskich hulniaŭ 2012 hoda, šmatrazovym pryzioram čempijanataŭ Jeŭropy i śvietu.
Ciapier čytajuć
Babaryka: Kali b my pieramahli — vajny va Ukrainie nie było b19
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary
Nahadvaju sens maich kamientaŭ
Niechta pamiataje padtrymku pad čas 2020 ad spartsmienaŭ z poŭdnia ...ukrainskich
A nam u Biełarusi na.vošta padobnyja " nastaŭniki" ?
Ty svaju dačku- syna unukaŭ da jaho pavieł ??