Łukašenka padpisaŭ ukaz ab rehistracyi niaŭličanaj hramadzianskaj zbroi
Alaksandr Łukašenka 24 krasavika padpisaŭ ukaz № 185 «Ab rehistracyi niaŭličanaj va ŭstanoŭlenym paradku hramadzianskaj zbroi».
Jak paviedamlaje pres-słužba prezidenta, dakumient pryniaty ŭ metach praduchileńnia pravaparušeńniaŭ, jakija ažyćciaŭlajucca z prymianieńniem hramadzianskaj zbroi, što znachodzicca ŭ karystańni hramadzian, ale nie zarehistravanaha va ŭstanoŭlenym paradku zakonam «Ab zbroi» ad 13 listapada 2001 hoda.
«Niahledziačy na raspačatyja miery, niezarehistravanaja zbroja praciahvaje prymianiacca ŭ supraćpraŭnych metach — dla niezakonnaha palavańnia i ŭčynieńnia inšych pravaparušeńniaŭ, u tym liku ź ciažkimi nastupstvami, — havorycca ŭ paviedamleńni. — Heta zbroja, jak praviła, zachoŭvajecca biez vykanańnia ŭmoŭ, jakija zabiaśpiečvajuć jaje zachavanaść, biaśpieku zachoŭvańnia i vyklučajuć dostup da jaho pabočnych asob».
U pres-słužbie nahadvajuć, što «dziejnym zakanadaŭstvam zabaroniena rehistracyja zbroi, jakaja nie staić na ŭliku»: «U adpaviednaści z artykułam 24 zakona hramadzianam zabaraniajecca zachoŭvać i vykarystoŭvać znojdzienuju ci pieradadzienuju im zbroju, ułaśnikami jakoj jany nie źjaŭlajucca. Takaja zbroja padlahaje nieadkładnaj zdačy ŭ orhany ŭnutranych spraŭ».
«Niahledziačy na heta, u Ministerstva ŭnutranych spraŭ pastupajuć zvaroty hramadzian z prośbaj rastłumačyć paradak rehistracyi takoj zbroi, što ŭkazvaje na mahčymaść niezakonnaha karystańnia joj», — adznačajuć u pres-słužbie prezidenta.
Ukazam vyznačajecca, što hramadzianie Biełarusi, zamiežnyja hramadzianie i asoby biez hramadzianstva, jakija pastajanna pražyvajuć u krainie, jakija «dobraachvotna padali z momantu nabyćcia mocy sapraŭdnaha ŭkaza da 1 lipienia 2014 hoda dla rehistracyi nie ŭličanuju va ŭstanoŭlenym paradku hramadzianskuju zbroju, što padlahaje rehistracyi ŭ orhanach unutranych spraŭ, ci jakija zdali takuju zbroju i admovilisia ad jaje dalejšaj rehistracyi, vyzvalajucca ad ustanoŭlenaj zakanadaŭčymi aktami kryminalnaj i administracyjnaj adkaznaści za niezakonnyja dziejańni ŭ dačynieńni da hetaj zbroi».
Dla rehistracyi niaŭličanaj zbroi hramadzianie źviartajucca ŭ orhan unutranych spraŭ pa miescy žycharstva ź piśmovaj zajavaj ab rehistracyi takoj zbroi, u jakim ukazvajucca vid, typ, madel, kalibr, sieryja, numar zbroi, i pradjaŭleńniem dakumienta, jaki śviedčyć asobu, ci vajennaha bileta.
«U cełym ukaz skiravany na vyviadzieńnie ź nielehalnaha abarotu nie ŭličanaj va ŭstanoŭlenym paradku ŭ orhanach unutranych spraŭ hramadzianskaj zbroi, ustanaŭleńnie naležnaha kantrolu za jaje abarotam», — havorycca ŭ paviedamleńni pres-słužby.
Ukaz nabyvaje moc paśla jaho aficyjnaha apublikavańnia.
Kamientary