Aficyjny pradstaŭnik ministerstva zamiežnych spraŭ Rasii Alaksandr Łukaševič nazvaŭ «cyničnaj i amaralnaj sprobaj skazić historyju» papraŭku ŭ łatvijskim zakanadaŭstvie, jaki praduhledžvaje kryminalnuju adkaznaść za prasłaŭleńnie, a taksama za admaŭleńnie, apraŭdańnie abo sumnieŭ u faktach savieckaj i nacysckaj akupacyi.
Adpaviedny kamientar raźmieščany na sajcie viedamstva ŭ piatnicu, 16 maja.
«Rasceńvajem jaho (rašeńnie Siejma Łatvii) jak čarhovuju cyničnuju i amaralnuju sprobu łatvijskich uładaŭ pierakrucić historyju, zraŭnavaŭšy hitleraŭskuju Hiermaniju i Saviecki Sajuz, jaki ŭnios vyrašalny ŭkład u pieramohu nad fašyzmam, apahanić pamiać tych, chto canoj niezamiennych achviar vyratavaŭ śviet ad «karyčnievaj čumy»», — padkreślivajecca ŭ zajavie.
Łukaševič adznačyŭ, što papraŭki, pryniatyja Siejmam, parušajuć taksama mižnarodnyja abaviazacielstvy Łatvii i, u tym liku, rašeńnia Niurnbierhskaha trybunała.
Napiaredadni, 15 maja, Siejm Łatvii ustanaviŭ kryminalnuju adkaznaść za «publičnaje admaŭleńnie, apraŭdańnie i hrubuju tryvijalizacyju ahresii SSSR i nacysckaj Hiermanii suprać Łatvijskaj Respubliki». Pakarańnie pahražaje i za admaŭleńnie chałakostu i inšych złačynstvaŭ suprać čałaviectva. Parušalniki dadzienaha zakona mohuć być prysudžanyja da piaci hadoŭ pazbaŭleńnia voli abo da vykanańnia prymusovych rabot i vypłaty štrafaŭ.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary