«Jon dvoje sutak nie adkazvaŭ na telefanavańni. U jaho byŭ kancert, ale jon nie źjaviŭsia na jaho, — raskazvaje siabar pamierłaha, pradprymalnik Aleś Suša. — Tady baćki i byłaja žonka niejak zmahli trapić u kvateru ŭ Zialonym Łuzie. Ciapier tam apieratyŭniki, sprabujuć vyśvietlić, što zdaryłasia».
«Sudmiedekśpiert dapuskaje, što mahło być nie zabojstva. Uskryćcio pakaža», — napisała ŭ fejsbuku Maryna Sidarovič.
Źmicier Sidarovič naradziŭsia ŭ 1965 u Minsku. Muzyka, bard, dudar. U 1991 stvaryŭ hurt «Kamiełot». Vypuściŭ knihu vieršaŭ «Try žałudy». Aŭtar-składalnik daviednika «Vialikija muzyki XX stahodździa». Akramia bardaŭskaj pieśni aktyŭna zajmaŭsia falkłoram. Adradžaŭ dudu. U 2000 udzielničaŭ u albomie «Vir» hurtu «Stary Olsa».
U 2000 Źmicier Sidarovič razam z hurtami «Stary Olsa» i «Contredanse» zapisaŭ zborny albom «Vir» (vyjšaŭ u 2001).
«Śledčaja hrupa USK pa Minsku pracuje ŭ kvatery Źmitra Sidaroviča, dzie siońnia jon by znojdzieny biez prykmietaŭ žyćcia. Pravodzicca ahlad miesca zdareńnia. Pra vyniki paviedamim», — napisała ŭ fejsbuku pres-sakratarka Śledčaha kamiteta Julija Hančarova.
Paźniej Ju. Hančarova paviedamiła ŭ fejsbuku:
«Zavieršany ahlad miesca zdareńnia. Prykmiet hvałtoŭnaj śmierci ahladam nie ŭstanoŭlena. Bačnych cialesnych paškodžańniaŭ na ciele pamierłaha niama.
Pryznačana sudova-miedycynskaja ekśpiertyza, jakaja vyznačyć dakładnuju pryčynu śmierci Ź.Sidaroviča. USK pa Minsku pačata daśledčaja pravierka».
***
Raźvitańnie z bardam adbudziecca 21 maja. Čas i miesca buduć udakładnienyja.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary