U Minsku, u sudzie Partyzanskaha rajona, 19 maja prajšoŭ sud nad Alesiem Kurcam, zatrymanym 17 maja padčas razdačy ježy biednym u miežach tradycyjnyaj akcyi «Ježa zamiest bomb».
Śviedka z RUUS błytaŭsia ŭ pakazańniach, nie moh uzhadać, u što byŭ apranuty Kurec padčas zatrymańnia, dzie była praparkavanaja mašyna, adkazvaje: «Heta da spravy nie adnosicca». Zaraz u sudzie abvieščany pierapynak.
12:38
Aleś Kurec asudžany na 15 sutak (nibyta za łajanku).
Jašče adzin śviedka taksama błytaŭsia ŭ pakazańniach. Kurca pryjšli padtrymać kala 20 čałaviek, ale mnohich nie puścili ŭ zału suda, bo jany byli ŭ šortach (niepavažnaje staŭleńnie da suda).
***
Akcyi razdačy ježy adbyvalisia zimoj štotydzień u troch kropkach horada: biazdomnikaŭ rehularna padkarmlivali biaspłatnaj ježaj, ale ŭžo tady, zimoj, aktyvisty adčuli na sabie cisk.
U subotu byli zatrymanyja niekalki čałaviek (u Michajłaŭskim skviery i parku Simona Balivara), ich advieźli ŭ pastarunak, praz 3 hadziny vypuścili ŭsich, akramia Alesia Kurca.
