Supracoŭnikami ŭpraŭleńnia pa narkakantroli i procidziejańni handlu ludźmi HUUS Minharvykankama spyniena dziejnaść padpolnych handlaroŭ nasieńniem maku (tak zvanyja bubki), jakija dziejničali na terytoryi Frunzienskaha, Zavodskaha i Pieršamajskaha rajonaŭ stalicy.
Jak paviedamili ŭ HUUS, zatrymanyja — dvoje 25-hadovych minčan, jakija raniej traplali ŭ pole zroku pravaachoŭnych orhanaŭ za rabavańni i razbojnyja napady. Svaim baćkam adsutnaść pastajannaha miesca pracy i ŭ toj ža čas najaŭnaść hrošaj maładyja ludzi tłumačyli nibyta nielehalnym biźniesam pa realizacyi spartyŭnaha charčavańnia.
Pry zatrymańni ŭ aŭtamašynie «Aŭdzi 80», jakaja naležała adnamu z chłopcaŭ, apieratyŭniki znajšli i kanfiskavali 17 kh «bubak», rasfasavanych u pakiety i hatovych da prodažu spažyŭcam.
Dziejańniam zatrymanych dajecca pravavaja acenka. Ale ŭžo ciapier možna havaryć ab tym, što naroŭni ź vialikim štrafam (da 90 bazavych vieličyń) im pahražaje jašče i kanfiskacyja transpartnaha srodku.
Ciapier čytajuć
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ11
Kamientary