Adździaleńnie radyjacyjnaj hihijeny mienskaha centru hihijeny i epidemijałohii pravodzić abśledavańnie tratuarnaj plitki na staličnaj płoščy Niezaležnaści.
Raniej biełaruskija ŚMI paviedamili, što plitka na płoščy Niezaležnaści maje pavyšany radyjacyjny fon. Do zakančeńnia abśledavańniaŭ I.Alšeŭski admoviŭsia dać źviestki ab pieravyšeńni dapuščalnych norm. Razam z tym jon abvierhnuŭ infarmacyju ab tym, što «ŭzrovień hama‑fonu pieravyšaje dapuščalnuju dozu ŭ dva razy», zaznačyŭšy, što ŭzrovień pieravyšeńnia značna nižejšy.
Pry hetym I.Alšeŭski padkreśliŭ, što plitka «nie ŭjaŭlaje nijakaj pahrozy dla zdaroŭja» nasielnictva. Pavodle jaho słoŭ, «razmova idzie ab pryrodnych radyjenuklidach, što ŭtrymlivajucca ŭ hranicie», — «dapuščalnaje značeńnie dla pryrodnaha kamieniu zaŭsiody krychu adroźnivajecca». Śpiecyjalist paviedamiŭ, što hranit dla tratuarnaj plitki pryviezieny z Ukrainy, tamu što ŭ Biełarusi nie zdabyvajuć taki materyjał. I.Alšeŭski taksama abvierhnuŭ infarmacyju ab tym, što majuć pavyšany radyjacyjny fon budynki Minharvykankama i ratušy.
Jak paviedamiŭ śpiecyjalist, pa vynikach abśledavańniaŭ buduć dadzieny rekamiendacyi dla budaŭnikoŭ.
U pravaachoŭnych orhanach Biełarusi pakul admaŭlajucca davać jakija‑niebudź kamientaryi na pradmiet mahčymych pravavych nastupstvaŭ vykarystańnia pry rekanstrukcyi płoščy Niezaležnaści materyjału z pavyšanym radyjacyjnym fonam.
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod38
Kamientary