16 dziaciej sa Śniežnaha bajeviki siłaj vyvieźli ŭ Rasiju, 9 zmahli vyrvacca
16 vychavancaŭ internata ŭ Śniežnym siłaj vyviezieny ŭ Rasijskuju Fiederacyju i ciapier znachodziacca ŭ łahiery dla biežancaŭ u Navašachcinsku (Rastoŭskaja vobłaść).
Razam ź dziećmi-sirotami znachodziacca dvoje ŭkrainskich vychavacielaŭ, paviedamiła «Hołasu Ukrainy» načalnik słužby pa spravach dziaciej Danieckaj abłasnoj dziaržadministracyi Viera Sahajdak.
Jak paviedamlałasia, u čaćvier uzbrojenyja bajeviki zachapili aŭtobus, na jakim jechali na adpačynak u Dnieprapiatroŭskuju vobłaść 25 dziaciej-sirot i vychavancaŭ dziciačych damoŭ siamiejnaha typu. Transpart raźviarnuli ŭ bok kantrolna-prapusknoha punkta «Daŭžanski» na Łuhanščynie.
«Mama-vychavacielka dziciačaha doma siamiejnaha typu z 2 rodnymi i 7 pryjomnymi dziećmi kateharyčna admoviłasia pakidać Ukrainu i ciapier viartajecca nazad», — skazała Sahajdak.
«Inšych dziaciej, ad 1996 da 2008 h.h naradžeńnia, siłaj pieraviali praź miažu. Zaraz 16 vychavancaŭ internata i dvoje vychavacielaŭ znachodziacca ŭ łahiery dla biežancaŭ u Navašachcinsku», — raspaviała surazmoŭca.
Uzbrojenyja bajeviki pieraškodzili vyvieźci i 30 vychavancaŭ doma malutki ŭ Kramatorsku. Usio było padrychtavana da transpartoŭki dziaciej ad naradžeńnia da 3 hadoŭ, mnohija ź ich — z pryrodžanymi surjoznymi zachvorvańniami.
Ale napiaredadni chtości ź piersanału «źliŭ» infarmacyju pradstaŭnikam samaabvieščanaj «Danieckaj narodnaj respubliki». Tyja źjavilisia ŭ dom malutki ŭviečary, pieranačavali, a ranicaj pieraškodzili vyvazu dziaciej.
Vychavancaŭ dziciačaha prytułku ŭ Kramatorsku ŭdałosia evakuiravać raniej. Paśla čaho dyrektara prytułku vyklikali ŭ «kamiendaturu» horada i pačali vyśviatlać, ź jakoj metaj jon vyviez dziaciej.
«Abvinavačvajuć u tym, što małych vyvoziać z metaj prodažu», — padzialilisia infarmacyjaj u słužbie pa spravach dziaciej.
Vidavočcy kažuć, što paśla taho, jak vychavancy prytułku ščasna pakinuli horad, va ustanovie źjaviłasia zdymačnaja hrupa rasiejskaha NTV i rasčaravana kanstatavała: «A my nie paśpieli źniać, jak jany ŭ padvały chavajucca!».
Vydańnie udakładniaje, što ŭ padvały chavajucca žychary Słavianska, a nia Kramatorska.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary