Pra heta na svajoj staroncy ŭ fejsbuku piša ŭkrainski žurnalist Mustafa Najem, spasyłajučysia na svaje krynicy.
«Zdajecca, Viktar Janukovič užo pierastaŭ daviarać Uładzimiru Pucinu. Pa niepaćvierdžanych dadzienych, siamja Viktara Janukoviča šukaje prytułak u Biełarusi», - napisaŭ jon.
Pa słovach Najema, na minułym tydni syn byłoha prezidenta Viktar Janukovič-małodšy pravodziŭ kansultacyi z hetaj nahody padčas telefonnaj razmovy z Alaksandram Łukašenkam.
U pryvatnaści, Janukovič-małodšy vykazaŭ zaniepakojenaść, što jaho baćka moža stać raźmiennaj manietaj u palityčnym dyjałohu pamiž Kijevam i Maskvoj. U pryvatnaści, nibyta isnuje vierahodnaść, što ŭ vyniku šmatbakovych damoŭlenaściej byłoha prezidenta vydaduć aficyjnym uładam Ukrainy. U adkaz Alaksandr Łukašenka daŭ zrazumieć, što jon taksama ličyć, što były prezident pavinien viarnucca va Ukrainu, ale, kali Viktar Janukovič ŭsio ž pažadaje pierajechać u Biełaruś, jon hatovy dać prytułak jamu i jaho siamji. Što asabliva cikava, padčas razmovy Janukovič-małodšy nibyta taksama paviedamiŭ, što ŭ vypadku pazityŭnaha raźvićcia situacyi Viktar Janukovič moža ŭznačalić novaje dziaržaŭnaje ŭtvareńnie — Navarosiju, u jakuju pavinny ŭvajści Łuhanskaja i Danieckaja vobłaści «, — piša Najem.
«Padkreślu jašče raz, infarmacyja z adnoj krynicy, ale ja joj daviaraju ŭ dastatkovaj stupieni, kab apublikavać takija źviestki», - reziumavaŭ žurnalist.
Kamientary