U červieni 2015 hoda ŭ Minsku projdzie finał Kubka śvietu pa sučasnym piaciborji, paviedamiŭ siońnia na pres-kanfierencyi staršynia Biełaruskaj fiederacyi sučasnaha piaciborja (BFSP), deputat Pałaty pradstaŭnikoŭ Nacyjanalnaha schodu Biełarusi Mikałaj Ivančanka.
«My jašče znachodzimsia pad uražańniem ad čempijanatu śvietu pa chakiei, jaki staŭ jarkaj padziejaj u žyćci našaj krainy, ale źjaviłasia novaja meta - pravieści na vysokim uzroŭni čempijanat Jeŭropy siarod junijoraŭ pa sučasnym piaciborji, jaki pačniecca ŭžo zaŭtra, - skazaŭ Mikałaj Ivančanka. - Naša fiederacyja paśladoŭna pravodzić kurs na pašyreńnie prysutnaści biełaruskaha piaciborja, biełaruskaha sportu ŭ śviecie. Nastupnym važnym mižnarodnym etapam budzie pryjom našaj krainaj finału Kubka śvietu siarod darosłych atletaŭ u červieni nastupnaha hoda».
Havoračy ab finalnych spabornictvach Kubka śvietu 2015 hoda, hienieralny sakratar Nacyjanalnaha alimpijskaha kamiteta (NAK) Hieorhij Katulin padkreśliŭ, što, pravioŭšy ich, Biełaruś uniasie vialiki ŭkład u raźvićcio i papularyzacyju vidu sportu, jaki ŭvachodzić u prahramu letniaj Alimpijady, majučy ŭ im dobryja tradycyi. Na dumku pradstaŭnika NAK, u čas majučaha adbycca čempijanatu Jeŭropy siarod junijoraŭ možna zakłaści jašče bolš tryvałuju asnovu supracoŭnictva pamiž biełaruskim bokam i mižnarodnymi strukturami, što adkazvajuć za raźvićcio sučasnaha piaciborja nie tolki ŭ Jeŭropie, ale i va ŭsim śviecie.
Hod tamu Biełaruś upieršyniu prymała čempijanat Jeŭropy pa sučasnym piaciborji (trochborji) siarod junakoŭ i dziaŭčat hrupy A. Jon prachodziŭ na bazie SAK «Alimpijski» ŭ Minsku. Z 17 pa 23 červienia ŭ biełaruskaj stalicy pad ehidaj Mižnarodnaha sajuza sučasnaha piaciborja (UIPM) i Jeŭrapiejskaj kanfiederacyi sučasnaha piaciborja (ECMP) budzie prachodzić čempijanat Jeŭropy-2014 siarod junijoraŭ. Što datyčycca finałaŭ Kubka śvietu ŭ spartsmienaŭ elitnaj hrupy, to takija starty raz u hod pravodziacca ŭ roznych kutkach płaniety. U hetym hodzie kubkavy finał prymała amierykanskaja Sarasota. Papiaredni raz elitnyja piaciborcy źbiralisia ŭ rasijskim Nižnim Noŭharadzie.
Kamientary