Rasijski akcior Michaił Jafremaŭ, jaki zabiŭ čałavieka ŭ DTZ, vychodzić na volu
Padčas źniavoleńnia Jafremaŭ navat źviartaŭsia z prośbaj, kab jaho ŭziali tankistam na vajnu va Ukrainie.
Alaksiejeŭski rajonny sud Biełharadskaj vobłaści pryniaŭ rašeńnie ab umoŭna-daterminovym vyzvaleńni akciora Michaiła Jafremava, jaki adbyvaŭ pakarańnie ŭ PK-4 u horadzie Alaksiejeŭka, piša Shot.
Trahičnaja avaryja z udziełam Jafremava adbyłasia 8 červienia 2020 hoda na Smalenskaj płoščy ŭ Maskvie. Pjany akcior, znachodziačysia za rulom Jeep Grand Cherokee, urezaŭsia ŭ Lada Granta, jakoj kiravaŭ 57-hadovy Michaił Zacharaŭ. U vyniku sutyknieńnia Zacharaŭ zahinuŭ. U vieraśni taho ž hoda Jafremava asudzili na vosiem hadoŭ kałonii ahulnaha režymu.
Padčas znachodžańnia ŭ źniavoleńni akcior nieadnarazova prasiŭ ab źmiakčeńni pakarańnia, śćviardžajučy, što jaho žyćcio «dało treščynu». Za hety čas jon staŭ ułaśnikam dźviuch kvater, atrymanych u spadčynu ad dziadźki-kancertmajstra — ahulnym koštam kala 80 miljonaŭ rasijskich rubloŭ (kala 930 tysiač dalaraŭ). Adna ź ich była abiacanaja siamji, jakaja 19 hadoŭ dahladała jahonaha dziadźku.
Jafremaŭ i jaho advakaty nieadnarazova padavali chadajnictvy na UDV, adnak raniejšyja sproby byli biezvynikovymi — u tym liku z-za taho, što ŭ jaho znachodzili smartfon. Heta stała padstavaj dla admovy ŭ vyzvaleńni. Akramia taho, paśla hučnaj zajavy Jafremava pra toje, što jon nibyta płanuje «žudasny varušniak» pa ŭsioj Biełharadskaj vobłaści paśla vyzvaleńnia, u kałonii raspačałasia maštabnaja pravierka.
Padčas źniavoleńnia Jafremaŭ navat źviartaŭsia z prośbaj, kab jaho ŭziali tankistam na vajnu va Ukrainie.
Ciapier ža artyst rychtujecca da vychadu na volu. Što dalej — pakaža čas.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary