U ramkach admysłovaj akcyi časopis «ARCHE» prapanuje nabyć pa značna źnižanych cenach kamplekt z čatyroch hruntoŭnych vydańniaŭ, u jakich zakranajucca pytańni našaj staražytnaj historyi i farmavańnia sučasnaha biełaruskaha naroda.
U kamplekt uvachodziać nastupnyja vydańni:
1) «Letapisy i chroniki Biełarusi. Siarednieviečča i rańniemaderny čas»(ahulny abjom 903 staronki).
Vydańnie ŭtrymlivaje teksty praktyčna ŭsich viadomych na siońniašni dzień biełaruska-litoŭskich letapisaŭ.
2) Aleś Bieły. «Chronika Biełaj Rusi» (ahulny abjom 470 staronak).
Hetaja kniha — istotna pierapracavanaje i dapoŭnienaje pieravydańnie manahrafii hetaha ž aŭtara, vydadzienaj u 2000 h. i pryśviečanaj historyi ŭźniknieńnia charonima «Biełaja Ruś» dy jaho pastupovaha dastasavańnia da terytoryi siońniašniaj Respubliki Biełaruś. U 2001 h. pieršaje vydańnie knihi było ŭhanaravana zasnavanaj Biełaruskim PEN-centram premijaj imia Franciška Bahuševiča. Kniha bahata ilustravanaja, u tym liku i šmatlikimi (usiaho kala 50 štuk) kalarovymi ilustracyjami.
3) Siarhij Płachij. «Ruski Vaviłon: Damadernyja identyčnaści ŭ Rasii, Ukrainie i Biełarusi» (ahulny abjom 300 staronak).
U knizie prafiesara Kiembrydžskaha ŭniviersiteta (ZŠA) ukrainskaha pachodžańnia robicca sproba adkazać na pytańnie, jakoje zajmała šmatlikich letapiscaŭ i historykaŭ na praciahu mnohich stahodździaŭ: «Adkul pajšła Ruskaja ziamla?». Pry hetym havorka idzie tut nie stolki pra ziamlu ŭ siońniašnim razumieńni terminu, kolki pra narod dy nacyju, a adkaz na pytańnie farmujecca praz rekanstrukcyju rańniemadernych identyčnaściaŭ našych prodkaŭ i papiarednikaŭ. Daśledavańnie damadernych uschodniesłavianskich identyčnaściaŭ maje na ŭvazie vyvučeńnie pracesu raźvićcia cełaha šerahu identyčnaściaŭ, jakija ŭ rozny čas stajali za paniaćciem «Ruś».
4) № 4 «ARCHE» za 2012 hod («Humanitarny ahlad-II»; ahulny abjom 308 staronak). Zbornik recenzij i knižnych ahladaŭ pa historyi, litaratury, etnałohii, movaznaŭstvie, mastactvie, knihaznaŭstvie i inšych halinach humanitarystyki. Siarod aŭtaraŭ numara — Hienadź Siemiančuk, Piotra Sadoŭski, Ina Sorkina, Alaksiej Kaŭka i inšyja.
Jak zamović hetyja vydańni možna pračytać tut.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary