88 — hadovy ŭkrainiec Vosip Firyščak, jaki padčas II suśvietnaj vajny braŭ udzieł u vyniščeńni 100 tysiačaŭ polskich habrejaŭ, pazbaŭleny hramadzianstva ZŠA.
Firyščak emihravaŭ u ZŠA u 1949 hodzie j praź piać hadoŭ atrymaŭ amerykanskaje hramadzianstva. Amerykanski Departament justycyi vyjaviŭ, što ŭ vajenny čas ukrainiec naležyŭ da «arhanizacyi, jakaja adkazvaje za adno z najbolš žorstkich złačynstvaŭ u historyi čałaviectva». Firyščak nie pahadžajecca z abvinavačańniami j nadnarazova źviartaŭsia u sud z apelacyjaj.
Pavodle amerykanskich śledčych, padčas vajny Firyščak słužyŭ va ŭkrainskaj palicyi, jakaja padparadkoŭvałasia niemcam. Jon udzielničaŭ u vyvazie polskich habrejaŭ u lvoŭskaje hieta. Departament justycyi maje taksama źviestki, što ŭkrainiec abkradaŭ achviaraŭ, a chvorych i starejšych rastrelvaŭ u niepadalokim ad hieta lesie. Firyščak taksama ŭdzielničaŭ u «palavańni» za tymi, chto zdoleŭ uciačy z hieta, paźniej braŭ udzieł u likvidacyi lvoŭskaha hieta j vysyłcy habrejaŭ u kancentracyjnyja lahiery.
Amerykanski sud śćvierdziŭ, što kali Ŭkraina nie pahodzicca pryniać Firyščaka, to jon budzie pieradadzieny Niamieččynie, Polščy albo inšaj krainie, jakaja pahodzicca jaho pryniać.
Ciapier čytajuć
Ceny na kvatery ŭ «Minsk-Śviecie» padajuć, a ŭ Minsku — rastuć. Sumnyja pierśpiektyvy dla rajona?3
Kamientary