Nasielnictva budzie kampiensavać zatraty pa biahučym ramoncie žyłfondu tolki za raboty ŭnutry padjezda
U Biełarusi vyznačany pieraliki vidaŭ rabot pa biahučym ramoncie žyłfondu, jakija buduć apłačvacca srodkami ź miascovych biudžetaŭ, a taksama srodkami, jakija ŭnosiacca ŭłaśnikami, najmalnikami žylla i členami arhanizacyj zabudoŭščykaŭ u jakaści płaty za biahučy ramont.
Heta praduhledžana pastanovaj Ministerstva žyllova-kamunalnaj haspadarki, jakaja aficyjna apublikavana na Nacyjanalnym pravavym internet-partale.
Za košt srodkaŭ ułaśnikaŭ i najmalnikaŭ žylla buduć vykonvacca raboty pa ramoncie padjezdaŭ šmatkvaternych žyłych damoŭ (adnaŭleńnie tynkoŭki i ablicoŭki ścien, stoli, ramont padłohi, ramont i zamiena asobnych elemientaŭ śmiećciepravodaŭ, malarnyja raboty), a taksama ramont piečaŭ i dymachodaŭ.
U pieralik vidaŭ rabot pa biahučym ramoncie, krynicami finansavańnia jakich źjaŭlajucca srodki miascovych biudžetaŭ, uvajšli raboty pa ramoncie fundamientaŭ, ścien, pierakryćciaŭ, dachaŭ, akonnych i dźviarnych zapaŭnieńniaŭ miesc ahulnaha karystańnia, pieraharodak, leśvic, bałkonaŭ, hankaŭ, kazyrkoŭ nad uvachodami ŭ padjezdy i bałkonami vierchnich pavierchaŭ. Taksama ŭ hety pieralik uvajšli raboty pa ŭnutranaj adździełcy techničnych pamiaškańniaŭ, vonkavaj adździełcy budynkaŭ. Za košt srodkaŭ ź miascovaha biudžetu taksama buduć vyrašacca pytańni, źviazanyja z rabotaj sistem aciapleńnia, vientylacyi, haračaha i chałodnaha vodazabieśpiačeńnia, vodaadviadzieńnia (kanalizacyja) i elektratechničnych ustrojstvaŭ.
Jak rastłumačyŭ načalnik upraŭleńnia žyllovaj haspadarki Minžyłkamhasa Andrej Ramaška, da ŭstupleńnia ŭ siłu Žyllovaha kodeksa raboty pa biahučym ramoncie vykonvalisia ŭ ramkach techničnaha absłuhoŭvańnia žyłfondu. «Paśla ŭstupleńnia ŭ siłu hetaha dakumienta biahučy ramont staŭ asobnaj asnoŭnaj žyllova-kamunalnaj pasłuhaj, faktyčnyja zatraty na akazańnie jakoj pavinny apłačvacca nasielnictvam. Usie raboty pa biahučym ramoncie pavinny byli lehčy na plečy hramadzian, u tym liku takija vidy rabot, jak ramont dachu, fasadaŭ, stykaŭ i inšyja, davoli abjomnyja i darahija», — adznačyŭ śpiecyjalist.
Adnak ukazam Łukašenki №550 ad 5 śniežnia 2013 hoda było vyznačana niekalki krynic finansavańnia biahučaha ramontu — srodki miascovych biudžetaŭ i srodki ad ŭniasieńnia ŭłaśnikami, najmalnikami žyłych pamiaškańniaŭ i členami arhanizacyj zabudoŭščykaŭ płaty za biahučy ramont, a taksama inšyja krynicy finansavańnia, nie zabaronienyja zakanadaŭstvam. Adpaviedna, źjaviłasia nieabchodnaść vyznačyć, jakija mienavita vidy rabot finansujucca toj ci inšaj krynicaj.
Pastanova ŭstupaje ŭ siłu paśla jaje aficyjnaha apublikavańnia.
Kamientary