U Biełarusi zrobiać bolš žorstkimi miery ŭździejańnia na načnych debašyraŭ
U Biełarusi zrobiać bolš žorstkimi miery adkaznaści za parušeńnie spakoju žycharoŭ u načny čas. Pra heta paviedamiŭ žurnalistam ministr žyllova-kamunalnaj haspadarki Andrej Šorac.
Dadatkovaja adkaznaść za parušeńnie spakoju hramadzian u načny čas praduhledžana prajektam ukaza «Ab mierach pa ŭdaskanaleńni raboty žyllova-kamunalnaj haspadarki».
Ministr ŽKH rastłumačyŭ, što ŭnosicca prapanova ab nadzialeńni supracoŭnikaŭ pravaachoŭnych orhanaŭ pravam składańnia pratakołaŭ na tych žycharoŭ, jakija parušajuć spakoj susiedziaŭ (ciapier takija pratakoły abaviazany składać rabotniki arhanizacyj ŽKH).
«Pakul pa hetym pytańni nam nie ŭdałosia znajści punktaŭ sutyknieńnia z MUS, — pryznaŭ Andrej Šorac. — Pa inicyjatyvie Hienieralnaj prakuratury pytańnie ab tym, jak znajści ŭpravu na načnych debašyraŭ, treba vyrašać u pašyranym składzie, pakolki hetaja prablema vielmi aktualnaja dla mnohich hramadzian».
Ministr upeŭnieny ŭ tym, što nieabchodna pavyšać adkaznaść ułaśnikaŭ i najmalnikaŭ žylla za vykanańnie praviłaŭ karystańnia žyłymi pamiaškańniami.
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka34
Kamientary