Prytułak dla žyvioł «Supierkot» znachodzicca pad pahrozaj zakryćcia
Pryvatny minski prytułak dla biazdomnych žyvioł «Supierkot» znachodzicca pad pahrozaj zakryćcia, paviedamlaje sajt arhanizacyi.
«Na siońnia situacyja takaja, što nam niama čym apłačvać arendu za vierasień. Unikalny prajekt, jaki nahladna dakazvaje, što ŭ našaj krainie moža isnavać aficyjny niedziaržaŭny prytułak, na ŭtrymańnie jakoha traciacca minimalnyja srodki, znachodzicca pad pahrozaj zakryćcia, — havorycca ŭ paviedamleńni. — My adkrytyja dla lubych vidaŭ supracoŭnictva, hatovyja pryniać lubuju dapamohu!»
Jak raskazali vałanciory, na praciahu apošniaha hoda prytułak źbiraŭ srodki na ramont u pakoi № 1, u jakim utrymlivajucca zdarovyja katy i ź jakoha viadziecca anłajn-tranślacyja na sajcie prytułku http://superkot.com/pages/online.html. «My płanavali svaimi siłami ŭciaplić ścieny i padłohavaje pakryćcio napiaredadni zimy, pabudavać umiaščalnyja stełažy pa pierymietry pakoja, tym samym zrabić žyćcio našych hadavancaŭ bolš kamfortnym i paźbiehnuć siezonnych chvarob», — adznačyli ŭ arhanizacyi.
Adnak u lipieni na karmy i lačeńnie žyvioł arhanizacyja zraschodavała 23 młn rubloŭ — hetaja suma ŭklučaje srodki, sabranyja na ramont pakoja, a taksama na arendu pamiaškańnia i zakupku karmoŭ. «Hetaje leta stała biesprecedentnym pa kolkaści ciažkich katoŭ, jakija pastupili ŭ prytułak. Niezaležna ad ciažkaści zachvorvańniaŭ, za žyćcio kožnaha kata my zmahalisia, vykarystoŭvajučy ŭsie dastupnyja mahčymaści i resursy, — havorycca ŭ paviedamleńni. — Vielizarnyja sumy byli zraschodavanyja na pryščepki «Hłobfieł», vakcynu «Mulcifieł», naviedvańnie vieterynarnych klinik, kropielnicy i ŭkoły. Akramia hetaha, my adzinaja arhanizacyja, jakaja kuplaje karmy nie tolki dla katoŭ prytułku, ale i dla žyvioł, jakija znachodziacca ŭ kletkach pradpryjemstva pa adłovie žyvioł «Faŭna horada». Kuplajem šmat — i dla sabak, i dla katoŭ, i dla kacianiat».
Rekvizity dla achviaravańniaŭ možna daviedacca na sajcie http://superkot.com/pages/donation.html.
Prytułak «Supierkot» dziejničaje ŭ Minsku z 2010 hoda i śpiecyjalizujecca na ŭtrymańni traŭmavanych žyvioł, žyvioł-invalidaŭ, novanarodžanych žyvioł. Prytułak dapamoh znajści dom tysiačam žyvioł, a centr adaptacyi «Supierkot i Supiersabaka» staŭ siarebranym pryzioram konkursu sacyjalnych prajektaŭ Social Weekend.
-
Stała viadoma, kamu naležyć vytančanaje francuzskaje bistro ŭ Minsku. Vam nie spadabajecca
-
U Polščy pradstavili jašče adzin zakonaprajekt ab hramadzianstvie: 15 hadoŭ žyćcia ŭ krainie, polskaja na ŭzroŭni S1 i daviedka ab niesudzimaści na radzimie
-
«Mielnikava nie abaviazkova ahientka KDB, jana moža być achviaraj. A Łabiejeŭ jaje kupiŭ tym, što nazvaŭsia adzinokim baćkam ź dziećmi»
Kamientary