Maładuju supracoŭnicu Ernst & Young asudzili za pratesty. A paśla kinuli ŭ SIZA pa novaj spravie
Kryścinu Sašnikavu asudzili druhi raz u vieraśni 2025 hoda.
Kryścinie Sašnikavaj 33 hady. Paśla škoły jana pastupiła ŭ Biełaruski dziaržaŭny ekanamičny ŭniviersitet na ŭlikova-ekanamičny fakultet. Kryścina była starastaj hrupy. U 2014‑m vučyłasia ŭ ACCA — brytanskaj asacyjacyi prysiažnych buchhałtaraŭ. U 2015‑m skončyła mahistraturu BDEU.
Z 2013 hoda Kryścina pracavała ŭ kampanii Ernst & Young, darasła da pasady staršaha śpiecyjalista pa aŭdycie (Assurance Senior). U kampanii jana ŭdzielničała ŭ roznych aktyŭnaściach i pieryjadyčna vystupała va ŭniviersitetach, dzie raspaviadała pra asablivaści pracy.
Dziaŭčyna lubić aktyŭny adpačynak — hory, sport. Za apošnija hady jana naviedała niekalki roznych krain.
U śniežni 2024 hoda Kryścinu Sašnikavu asudzili za ŭdzieł u pratestach — pa č. 1 art. 342 Kryminalnaha kodeksa. Padobna, prysudzili pakarańnie, nie źviazanaje z pazbaŭleńniem voli.
Nieviadoma, ci tady dziaŭčynu vypuścili na volu, ale ŭrešcie jana znoŭ apynułasia ŭ SIZA. U vieraśni 2025 hoda Kryścinu paŭtorna asudzili. Jaje abvinavacili ŭ «finansavańni ekstremisckaj dziejnaści» (art. 361‑2 KK), «zaklikach da dziejańniaŭ, nakiravanych na pryčynieńnie škody Biełarusi» (č. 3 art. 361 KK) i «raspalvańni varožaści» (č. 1 art. 130 KK).
Dakładny prysud, jak i sutnaść abvinavačańniaŭ, nieviadomyja.
Kryścinie pahražała da 12 hadoŭ kałonii.
«Naša Niva» — bastyjon biełaruščyny
PADTRYMAĆCiapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary