Pavodle danych krynic LRT.lt, achova S. Cichanoŭskaj i supravadžalnyja vydatki abychodzilisia dziaržavie prykładna ŭ 1 miljon jeŭra ŭ hod.
Litva źmianšaje ŭzrovień fizičnaj achovy Śviatłany Cichanoŭskaj. Pra heta partału LRT.lt paćvierdziŭ ministr zamiežnych spraŭ Kiastucis Budrys.
Z momantu pryjezdu S. Cichanoŭskaj u Litvu paśla prezidenckich vybaraŭ 2020 hoda ŭ Biełarusi kraina nadała pradstaŭnictvu biełaruskaj demakratyi aficyjny status, a samoj apazicyjaniercy zabiaśpiečyła kruhłasutačnuju fizičnuju achovu jak u Litvie, tak i za jaje miežami.
Cichanoŭskaj byŭ prysvojeny status aficyjnaha hościa katehoryi C — taki status zvyčajna nadajecca pasłam zamiežnych dziaržaŭ, kiraŭnikam pradstaŭnictvaŭ mižnarodnych arhanizacyj, akredytavanych u Litvie, členam zamiežnych uradaŭ, členam Jeŭrapiejskaj kamisii i inšym asobam anałahičnaha ŭzroŭniu. Adnak dypłamatyčnaha statusu i, adpaviedna, imunitetu jana nie maje.
Pavodle danych krynic LRT.lt, achova S. Cichanoŭskaj i supravadžalnyja vydatki abychodzilisia dziaržavie prykładna 1 miljon jeŭra ŭ hod. U hetuju sumu ŭvachodziła kruhłasutačnaja fizičnaja achova ŭ Litvie i za miažoj, aŭtamabili dla supravadžeńnia, utrymańnie miesca pražyvańnia, a taksama karystańnie VIP-tierminałami ŭ aeraportach.
Ministerstva zamiežnych spraŭ u adkaz na zapyt deputata Siejma Rymasa Jankunasa aficyjna adznačyła, što pytańni biaśpieki S. Cichanoŭskaj nie ŭvachodziać u jaho kampietencyju. Adnak ministerstva apłačvaje pasłuhi VIP-załaŭ dla aficyjnych haściej. U 2024 hodzie vydatki na VIP-tierminały dla S. Cichanoŭskaj skłali 129 tys. jeŭra, u 2023 hodzie — 92 tys. jeŭra.
Pavodle najaŭnaj infarmacyi, achova S. Cichanoŭskaj całkam nie zdymajecca, ale ŭzrovień fizičnaj abarony źnižajecca: harantavańnie jaje biaśpieki pieradajecca ad Słužby achovy kiraŭnictva dziaržavy (VAD) Biuro kryminalnaj palicyi, jakoje zabiaśpiečvaje abaronu nie na ŭzroŭni kiraŭnika dziaržavy, a jak asoby, jakoj moža pahražać realnaja niebiaśpieka. Naprykład, anałahičnym čynam Biuro achoŭvaje śviedkaŭ i paciarpiełych.
Choć aficyjnych kamientaryjaŭ z hetaj nahody niama, rašeńnie pačali realizoŭvać z 1 kastryčnika, ź pierachodnym pieryjadam da listapada.
«Kab nie padviarhać niebiaśpiecy asobu, jakaja achoŭvajecca, my nie možam publična kamientavać hetuju temu — ni paćviardžać, ni abviarhać infarmacyju pra ŭzmacnieńnie abo asłableńnie achovy. Prymianialnyja miery biaśpieki źjaŭlajucca sakretnaj infarmacyjaj», — zajaviŭ pieršy namieśnik dyrektara Słužby achovy kiraŭnictva dziaržavy Paŭlus Niemira.
Da hetaha času Śviatłanu Cichanoŭskuju kruhłasutačna achoŭvali supracoŭniki hetaj słužby, jakaja zabiaśpiečvaje biaśpieku ŭsich kiraŭnikoŭ Litoŭskaj dziaržavy — prezidenta, staršyni Siejma i premjer-ministra. Akramia dziejučych słužbovych asob, słužba achoŭvaje byłych prezidentaŭ, a taksama aficyjnych haściej krainy.
U vypadku ŭźniknieńnia pahrozy biaśpiecy Słužba achovy kiraŭnictva taksama moža achoŭvać paru, partnioraŭ i dziaciej kiraŭnikoŭ dziaržavy, hienieralnaha prakurora, dypłamataŭ, dziejnych i byłych členaŭ Siejma, premjeraŭ, ministraŭ i inšych asob. Rašeńnie pra nieabchodnaść achovy inšych asob zvyčajna prymaje Urad abo ŭpaŭnavažany im orhan.
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary
Usio, kartežaŭ Cichanoŭskaj ź niekalkich mašyn my bolš nie pabačym?
A dzie budzie pracavać Śviatłana, kali chalaŭnaje finansavańnie skončycca? Moža pajści nastaŭnicaj anhielskaj movy. Ale ž u Litvie nie voźmuć na pracu bieź viedańnia dziaržaŭnaj litoŭskaj.
Hetyja ludzi nikoli nie pahodziacca na sychod Łukašenki - jany buduć “zmahacca” da truny. Našaj i ichnaj!