U Homielskaj vobłaści represujuć za ŭdzieł u apytańni piacihadovaj daŭniny
Jak minimum u adnym z bujnych rajcentraŭ Homielščyny siłaviki pravodziać zatrymańni rabotnikaŭ pradpryjemstvaŭ i arhanizacyj i praviarajuć ich akaŭnty ŭ telehramie na pradmiet udziełu ŭ anłajn-apytańni, jakoje było apublikavana 15 žniŭnia 2020 hoda. Pra heta «Fłahštoku» paviedamiŭ miascovy žychar.
Toje apytańnie tyčyłasia prezidenckich vybaraŭ: karystalnikam ź Biełarusi prapanoŭvali adznačyć kandydataŭ, za jakich jany prahałasavali na ŭčastkach.
U apytańni uziali ŭdzieł bolš za 2,4 miljona čałaviek, najbolšaja kolkaść adkazaŭ, 51% — Śviatłana Cichanoŭskaja. Alaksandru Łukašenku svaje hałasy addali ŭsiaho 4% udzielnikaŭ apytańnia.
Post z anłajn-apytańniem nabraŭ bolš za 10 miljonaŭ prahladaŭ i byŭ apublikavany na kanale «Telegram Biełaruś». Miarkujecca, što heta aficyjny kanał miesiendžara. Prapanova ŭziać udzieł u apytańni prychodziła tady ŭsim karystalnikam Telegram ź biełaruskimi sim-kartami. Repost z apytańniem rabili mnohija papularnyja pabliki.
Kanał byŭ stvorany 15 žniŭnia 2020 hoda. Akramia apytańnia, na im źjavilisia jašče litaralna niekalki pastoŭ, a ź listapada 2020 hoda pablik nie abnaŭlaŭsia.
Ale akazałasia, što i ciapier ułady zaniepakojenyja hetym apytańniem.
Pavodle śviedčańniaŭ vidavočcaŭ, pry zatrymańni siłaviki praviarajuć, ci braŭ udzieł hramadzianin u apytańni: u telehramie znachodziać kanał i hladziać, ci staić ptušačka ŭ hałasavańni. Kali karystalnik addaŭ hołas nie za Łukašenku, navat suprać usich, mohuć pačacca represii.
Maštab takich pravierak nieviadomy, ale krynica kaža pra šmatlikija padobnyja vypadki. Pravierki ładziać nie sucelna, ale pryciahvajuć da ich kankretnych ludziej.
Admianić udzieł u hałasavańni nielha. Tamu adziny mahčymy varyjant paźbiehnuć represij, kali karystalnik braŭ udzieł u apytańni i znachodzicca ŭ patencyjnaj niebiaśpiecy, — vydalić akaŭnt i stvaryć novy, kab źmianiŭsia identyfikatar ulikovaha zapisu.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju19
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary
Chotiat zamieniť biełarusov svoimi lud́mi iz Irana, Sirii, Nihierii, Pakistana, Indii, Kitaja, Rośsii.....