«Hazprom niefť»: rasśledavańnie Sierbii pa prodažy NIS — niečakanaść
Raniej ministr unutranych spraŭ Sierbii Niebajša Stefanavič sfarmavaŭ śledčuju hrupu dla pravierki ŭsich abstavinaŭ prodažu kampanii NIS «Hazprom niefti».
Rasśledavańnie uładaŭ Sierbii ŭ dačynieńni da prodažu kampaniii «Naftavaja industryja Sierbii» (NIS) rasiejskaj «Hazprom niefti» stała poŭnaj niečakanaściu dla rasijskaha boku, paviedamiŭ rasijskim infarmahienctvam pieršy namieśnik hienieralnaha dyrektara «Hazprom nafty» Vadzim Jakaŭleŭ.
Raniej ministr unutranych spraŭ Sierbii Niebajša Stefanavič sfarmavaŭ śledčuju hrupu dla pravierki ŭsich abstavinaŭ prodažu kampanii NIS «Hazprom niefti».
«Našy adnosiny z uradam [Sierbii] nasili pa-sapraŭdnamu partniorski i kanstruktyŭny charaktar. My ŭsie svaje abaviazacielstvy vykanali. <…> U vyniku NIS, raniej stratnaja kampanija, stała samym paśpiachovym pradpryjemstvam Sierbii, samym bujnym padatkapłatnikam, pradpryjemstvam, jakoje maje najbolšuju prybytak, źjaŭlajecca publičnaj kampanijaj», — adznačyŭ top-mieniedžar ŭ chodzie telefonnaj kanfierencyi.
«My budziem sačyć za raźvićciom padziej, aceńvać jak heta ŭpłyvaje na ŭmovy pracy ŭ krainie. Dla nas vielmi važnym źjaŭlajecca inviestycyjny klimat u krainie, bo jość pryniataja stratehija raźvićcia kampanii, my hetyja mahčymaści bačym. Naša hatoŭnaść inviestavać zaležyć, u tym liku, ad umoŭ pracy ŭ krainie», — skazaŭ jon.
Pryvatyzacyja NIS źjaŭlajecca častkaj mižuradavaha pahadnieńnia, jakoje było ratyfikavana parłamientam Sierbii. «My nie bačym łohiki ŭ tym, kab nadziejnuju asnovu našaj plonnaj pracy stavić pad sumnieŭ», — padkreśliŭ jon. Jakaŭleŭ dadaŭ, što rasśledavańnie naŭprost nie datyčycca mieniedžaraŭ «Hazprom nafty». Infarmacyja ab praviercy źjaviłasia na fonie dadzienych raniej abiacańniaŭ premjer-ministra krainy Alaksandra Vučyča (na pasadzie z krasavika 2014) apublikavać teksty šerahu pahadnieńniaŭ ab pryvatyzacyi, padpisanych papiarednimi uradami krainy.
«Hazprom niefť» nabyła 51% akcyj u ramkach pahadnieńnia pamiž Sierbijaj i Rasijaj. Rasijskaja kampanija zapłaciła 400 miljonaŭ jeŭra i dała inviestycyjnyja abaviazacielstvy na 500 miljonaŭ jeŭra. Ciapier «Hazprom niefť» vałodaje 56,15% akcyj NIS, 29,87% akcyj znachodziacca va ŭłasnaści Sierbii, astatnija naležać byłym i ciapierašnim supracoŭnikam.
U vyniku ŭhody samaja prybytkovaja kampanija Sierbija płacić u dziaržaŭny biudžet usiaho 39 młn jeŭra padatkaŭ, što vyklikała skandał u ŚMI.
Sierbijaj kiruje Prahresiŭnaja partyja, jakaja ličycca pamiarkoŭna prarasijskaj. Pryvatyzacyja ž adbyłasia pry papiarednim uradzie Demakratyčnaj partyi, što mieła reputacyju prajeŭrapiejskaj.
Premjer Vučyč asabista zajaviŭ, što Sierbija nie budzie dziejničać adnabakova, ale budzie prasić rasijski ŭrad pierahledzieć umovy pryvatyzacyi pa-dobramu.
Kamientary