Paśla abureńnia čytačoŭ internet-krama Oz.by źniała z prodažu knihi pra terarysta Hirkina i rasijski Krym
Siońnia ranicaj z sajtu najbujniejšaj biełaruskaj internet-kramy Oz.by źnikli knihi «Oborona Donbassa. Ihoŕ Striełkov užas bandierovskoj chunty» i «Krym navieki s Rośsijej. Istoriko-pravovoje obosnovanije vossojedinienija riespubliki Krym i horoda Sievastopol s Rośsijskoj Fiedieracijej».Jany źjavilisia ŭ prodažy niekalki dzion tamu.
Dziasiatki čytačoŭ aburylisia, što adyjoznyja rasijskija vydańni pradaje biełaruskaja placoŭka.
Pad knihaj pra terarysta Hirkina (u anatacyi jaho nazyvali «čiesť, um i soviesť russkoho naroda») niehatyŭnych kamientaroŭ było bolš za piaćdziesiat, pierš čym jaje źniali z prodažu, paviedamlajuć NN čytačy. Vydańnie pra «ruski Krym» prastajała krychu daŭžej.
Spačatku administratar sajta prosta vydalaŭ niehatyŭnyja kamientary.
Ale a 10.30 źnikła i sama zajaŭka na knihu.
Paźniej u tvitary internet-kramy źjaviŭsia post z prabačeńniami:
«Siabry. Na sajt učora trapiła brydkaja kniha. Trapiła pa duraści. Takoj «litaratury» ŭ nas bolš nie budzie. Prynosim svaje prabačeńni».
Kamientary