Ministr adukacyi: Ustanovy adukacyi pavinny rychtavać piedahahičnyja kadry dla siabie
Ustanovy adukacyi pavinny rychtavać piedahahičnyja kadry dla siabie, zajaviŭ ministr adukacyi Siarhiej Maskievič 22 žniŭnia na Žnivieńskim forumie piedahahičnych rabotnikaŭ 2014 u Minsku.
«Słabaje miesca ŭ raźvićci adukacyi ŭ Minsku zaklučajecca ŭ tym, što sama sistema, sami ŭstanovy adukacyi nie vielmi zajmajucca ŭznaŭleńniem kadraŭ dla siabie», — skazaŭ jon.
Pavodle jaho mierkavańnia, pieršačarhovaja zadača ŭstanoŭ adukacyi i kožnaha piedahoha — «padrychtavać sabie hodnuju źmienu». Maskievič ličyć, što ŭpraŭleńni adukacyi i sami ŭstanovy pavinny ŭ pieršuju čarhu pracavać ź piedahahičnymi ŭniviersitetami pa farmiravańni metavaha naboru.
«Tak, my možam siońnia skazać, što piedahohi prajhrajuć mnohim halinam u prestyžy prafiesii siarod moładzi, ale možna nikolki nie sumniavacca, što namahańni kiraŭnictva horada i rajonaŭ buduć skiravany na toje, kab źmianiać situacyju da lepšaha», — skazaŭ ministr. U pryvatnaści, jon vykazaŭ nadzieju, što buduć vyrašany šmatlikija žyllovyja pytańni i pytańni pavyšeńnia zarabotnaj płaty.
Pavodle słoŭ staršyni kamiteta pa adukacyi Minharvykankama Michaiła Mirončyka, 76% nastaŭnikaŭ škoł i vychavalnikaŭ dziciačych sadkoŭ majuć vyšejšuju adukacyju, 57% — vyšejšuju ci pieršuju kvalifikacyjnuju katehoryju.
Jon padkreśliŭ, što staličnyja ŭstanovy ahulnaj siaredniaj adukacyi ŭ cełym zabiaśpiečany piedahahičnymi kadrami, adnak deficyt kadraŭ adznačajecca ŭ daškolnych ustanovach. Pavodle danych kamiteta, najbolšaja kolkaść vakansij nazirajecca na pasadu vychavalnika ŭstanoŭ daškolnaj adukacyi — 878 i nastaŭniki pačatkovaj škoły — 230. Sioleta va ŭstanovy adukacyi nakiravana bolš za 700 maładych śpiecyjalistaŭ.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie6
Kamientary