Byłoha fihuranta spravy «Biełaha lehijona» znoŭ aryštavali pa kryminalnaj spravie
Siarhiej Strybulski, były ŭdzielnik tak zvanaj «spravy Biełaha lehijonu», sfabrykanavaj uładami ŭ 2017 hodzie, znoŭ zatrymany pavodle kryminalnaha artykuła. Pra heta vydańniu «Pozirk» paviedamiła infarmavanaja krynica.
Pavodle słoŭ krynicy «Pozirka», Siarhieja Strybulskaha zatrymali jašče 14 listapada, paśla čaho jon adbyŭ dva administracyjnyja aryšty. A ŭžo z 12 śniežnia jaho ŭtrymlivajuć u miežach kryminalnaj spravy. Ciapier Strybulski znachodzicca ŭ mahiloŭskaj turmie № 4, častka jakoj vykarystoŭvajecca jak śledčy izalatar.
Jak adznačaje krynica, suprać Siarhieja Strybulskaha vystaŭlenaje abvinavačańnie pavodle č. 1 art. 361⁴ Kryminalnaha kodeksa — za nibyta ŭciahvańnie inšych asob u ekstremisckuju dziejnaść i sadziejničańnie joj.
Upieršyniu Strybulskaha zatrymlivali ŭ 2017 hodzie ŭ miežach hučnaj spravy «Biełaha lehijonu». Tady jon pravioŭ za kratami 99 dzion, ale spravu zakryli praz adsutnaść składu złačynstva. Paźniej, vosieńniu 2021 hoda, jaho znoŭ zatrymlivali, kanfiskavaŭšy techniku i tak zvanuju «pratesnuju simvoliku».
U 2022 hodzie, pavodle źviestak pravaabarončaha centra «Viasna», Strybulskaha zatrymali 23 sakavika — napiaredadni Dnia Voli. Na nastupny dzień jaho aryštavali na 15 dzion. Paśla vyzvaleńnia jon raskazvaŭ znajomym, što padčas zatrymańnia jaho źbivali i vykarystoŭvali elektratok.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć10
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary