Rasijskija pamiežniki prymusili biełaruskaha aktyvista źniać majku «Stop — Pucin»
Pad Smalenskam zatrymali aŭtobus ź biełarusami, jakija jechali ŭ Katyń.
Siońnia, z nahody Mižnarodnaha dnia pamiaci achviaraŭ stalinizmu i nacyzmu, aktyvisty i pravaabaroncy ź Biełarusi planavali ušanavać achviaraŭ Katyni na miescy trahiedyi.
Pradstaŭniki pravaabarončaj arhanizacyi «Memaryjał», ruchu «Razam», ruchu «Za Svabodu» inicyjatyvy «Za ŭratavańnie Kurapataŭ» (usiaho kala 30 čałaviek) siońnia ranicaj vyjechali na aŭtobusie ź Miensku ušanavać achviaraŭ Katyni na miescy trahiedyi. Jak paviedamiła radyjo «Svaboda» Halina Karžanieŭskaja, aŭtobus spynili na biełaruska-rasiejskaj miažy pamiežnaja słužba FSB Rasiei. Rasiejcy praviarajuć pašparty va ŭsich pasažyraŭ aŭtobusu, nijakich pretenzij pakul nie vystaŭlajuć.
23 žniŭnia Dniom pamiaci hety dzień abviaściŭ Eŭraparlament u 2009 hodzie. Biełaruskija hramadzkija aktyvisty mierkavali ŭskłaści kvietki da memaryjału achviaram trahiedyi 1941 hodu, a taksama na miescy hibieli ŭradavaj delehacyi Polščy ŭ 2010 hodzie.
Jak paviedamlaje sajt BCHD, dva čałavieki zatrymanyja – Volha Zavadskaja, maci zabitaha žurnalista Źmitra Zavadskaha, i jašče adzin aktyvist. Ich pavieźli dla vyśviatleńnia asoby. Siabra BCHD Jaŭhiena Baturu zmusili źniać majku «Stop – Pucin».
Aŭtobus pratrymali na miažy niekalki hadzin i adpuścili tolki za 20 chvilin da zakryćcia miemaryjalnaha kompleksu «Katyń», u jaki nakiroŭvalisia aktyvisty. Niahledziačy na poźni čas, aŭtobus pajechaŭ pa raniejšym maršrucie. Jaho supravadžała mašyna rasijskaj darožna-patrulnaj słužby, paviedamlaje BiełaPAN.
Kamientary