Siońnia lider abjadnanaj apazycyi Alaksandar Milinkievič zaviaršaje svajo turne pa krainach Eŭraźviazu. U Berlinie razam ź Vincukom Viačorkam jon sustreŭsia z kancleram FRH Anhiełaj Merkiel, pravioŭ pieramovy ŭ MZS i Bundestahu. Na hetym tydni A.Milinkievič sustrakaŭsia z kiraŭnikami Aŭstryi j Eŭraźviazu, pryniaŭ udzieł u sesii Eŭraparlamentu, jakaja ŭchvaliła ŭčora rezalucyju ź niepryznańniem A. Łukašenki lehitymnym prezydentam Biełarusi j patrabavańniem paŭtornych vybaraŭ.
Siońnia lider abjadnanaj apazycyi Alaksandar Milinkievič zaviaršaje svajo turne pa krainach Eŭraźviazu. U Berlinie razam ź Vincukom Viačorkam jon sustreŭsia z kancleram FRH Anhiełaj Merkiel, pravioŭ pieramovy ŭ MZS i Bundestahu. Na hetym tydni A.Milinkievič sustrakaŭsia z kiraŭnikami Aŭstryi j Eŭraźviazu, pryniaŭ udzieł u sesii Eŭraparlamentu, jakaja ŭchvaliła ŭčora rezalucyju ź niepryznańniem A. Łukašenki lehitymnym prezydentam Biełarusi j patrabavańniem paŭtornych vybaraŭ.
Na pačatku lutaha A.Milinkievič užo sustrakaŭsia ź niamieckim kancleram Anhiełaj Merkiel. Siońniašniaja sustreča, na dumku spadara Milinkieviča, zaśviedčyła surjoznuju padtrymku FRH na adras biełaruskich demakrataŭ i stałasia vyjaŭleńniem adnosin kiraŭnictva Niamieččyny da ciapierašniaj sytuacyi ŭ Biełarusi:
(Milinkievič: ) «Kali ludzi adzin adnaho viedajuć, to ŭžo troški lepiej hutaryć… Ale nia heta hałoŭnaje. Hałoŭnaje – što ŭ Biełarusi adbylisia padziei, jakija dadali aptymizmu tym, chto padtrymlivaje demakratyju. I, sapraŭdy, pa vačach bačna – i jejnych, i supracoŭnikaŭ jaje aparatu: jany vierać u toje, što pieramieny mahčymyja. I my sami vierym».
Vincuk Viačorka hetak acaniŭ źmiest razmovy sa spadaryniaj Merkiel.
(Viačorka: ) «Sustreča była niepraciahłaj, ale pasłańnie jana vykazała adnaznačnaje: Niamieččyna jak svabodnaja kraina salidarnaja ź biełaruskimi demakratyčnymi siłami j praciahvaje akazvać tuju samuju padtrymku demakratyčnaj perspektyvie Biełarusi, jakuju ŭžo ździajśniała».
Aprača taho, u Berlinie Alaksandar Milinkievič i Vincuk Viačorka sustrelisia z kiraŭnikami mižnarodnych adździełaŭ usich frakcyjaŭ Bundestahu, hieneralnym sakratarom Chryścijanskaha demakratyčnaha sajuzu Ronaldam Pufałam, a taksama z Chrystafam Hojshienam, jaki va ŭpravie federalnaha kanclera adkazvaje za mižnarodnuju palityku.
Zaviaršyŭsia vizyt presavaj kanferencyjaj i interviju viadučym niamieckim ŚMI.
Na presavaj kanferencyi spadar Milinkievič vykazaŭ pierakananaść, što Alaksandar Łukašenka nie pratrymajecca la ŭłady piać hadoŭ, a biez padtrymki Rasiei jon nie ŭtrymajecca j miesiaca. Alaksandar Milinkievič nazvaŭ apošnija padziei ŭ Biełarusi biesprecedentnymi j nia vyklučyŭ, što represii ŭładaŭ buduć praciahvacca.
Lider BNF Vincuk Viačorka zaznačyŭ na presavaj kanferencyi ŭ Berlinie, što biełaruskaja apazycyja čakaje ad krainaŭ Zachadu salidarnaści j dapamohi ŭ stvareńni niezaležnych ŚMI, vypusku drukavanaj pradukcyi, dapamohi represavanym i studentam.
Aceńvajučy vyniki svajho eŭrapiejskaha turne ŭ cełym, spadar Milinkievič zajaviŭ «Svabodzie»:
(Milinkievič: ) «Samaje hałoŭnaje ŭražańnie – toje, što absalutna nia treba raskazvać ab padziejach. Pierachodzim adrazu da razmovy nakont taho, što možam zrabić praź miesiac, praz hod. I ŭ hetym sensie, usio, što planujecca rabić, patrebna i ŭ siońniašniaj dyktatarskaj Biełarusi, i kali my staniem demakratyčnymi».
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary