Adpraŭleny ŭ adstaŭku namieśnik hienieralnaha prakurora Alaksiej Stuk
Jon zajmaŭ pasadu z 2008 hoda i byŭ adnym z architektaraŭ masavych represij.
Adstaŭka Stuka naŭrad ci źviazanaja ź niejkim niezadavalnieńniem jahonaj pracaj. Miarkujučy pa tym, što ŭ Hienieralnaj prakuratury zładzili ŭračysty schod z nahody jahonaha sychodu z adpaviednymi ŭšanavańniami, jon prosta idzie na piensiju pa ŭzroście. 18 maja Alaksieju Stuku spoŭniłasia 67 hadoŭ.
Stuk atrymaŭ jurydyčnuju adukacyju ŭ Biełaruskim dziaržaŭnym univiersitecie, jaki skončyŭ u 1981 hodzie pa śpiecyjalnaści «pravaznaŭstva».
Svaju prafiesijnuju dziejnaść u orhanach prakuratury jon pačaŭ jašče ŭ 1980 hodzie, pracavaŭ śledčym i staršym śledčym u prakuratury Partyzanskaha rajona, a paźniej — u prakuratury horada Minska.
Z 1987 pa 1989 hod jon byŭ namieśnikam prakurora Maskoŭskaha rajona Minska. Potym pracavaŭ u respublikanskaj prakuratury, dzie zajmaŭsia nahladam za razhladam kryminalnych spraŭ u sudach. U 1990‑ia hady zajmaŭ pasady namieśnika prakurora Savieckaha rajona Minska, a zatym — prakurora Leninskaha rajona, dzie pracavaŭ da 2007 hoda.
Paśla hetaha karotki čas zajmaŭ pasadu namieśnika prakurora horada Minska, a ŭžo ŭ červieni 2008 hoda byŭ pryznačany namieśnikam Hienieralnaha prakurora krainy. Na hetaj pasadzie byŭ niepasredna datyčny da palityčna matyvavanych represij. I mienavita jon pradstaŭlaŭ abvinavačvańnie ŭ sudzie pa spravie ab terakcie ŭ minskim mietro.
Z 2023 hoda jon uvachodziŭ u skład tak zvanaj «kamisii pa viartańni», zajmajučy pasadu namieśnika staršyni.
U 2020 hodzie ŭ dačynieńni da Stuka byli ŭviedzienyja jeŭrapiejskija sankcyi.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary