Hienieralny sakratar AAN Pan Hi Mun spadziajecca, što pieramovy ŭ farmacie Mytny sajuz — Ukraina — ES u Minsku pryniasuć adčuvalnyja vyniki. Ab hetym na bryfinhu ŭ Ńju-Jorku paviedamiŭ jaho pres-sakratar Stefan Dziužaryk.
«Hienieralny sakratar vitaje pačatak pieramoŭ u Minsku pamiž lidarami Mytnaha sajuza ź Biełarusi, Kazachstana i Rasijskaj Fiederacyi i prezidentam Ukrainy pry ŭdziele pradstaŭnikoŭ Jeŭrapiejskaha sajuza», — pryvodzić słovy Dziužaryka Centr navin AAN.
Pan Hi Mun spadziajecca na toje, što pieramovy buduć nasić praduktyŭny charaktar i dapamohuć vyrašyć pastaŭlenyja zadačy jak u ekanamičnaj halinie, tak i ŭ tym, što tyčycca «bolš šyrokaha palityčnaha kantekstu ŭ suviazi z kryzisam» va Ukrainie.
Kamientujučy paviedamleńni ab zachopie ŭkrainskaj armijaj u pałon rasijskich vajennych, pres-sakratar padkreśliŭ, što hety incydent śviedčyć ab składanaści i nieadnaznačnaści situacyi va ŭschodniaj častcy Ukrainy.
Kamientary