U Jeŭraparłamiencie zaklikali Zachad abvalić ceny na enierhanośbity
Zachodni śviet pavinien adkazać na adkrytuju ahresiju Rasijskaj fiederacyi suprać Ukrainy dziejańniami, nakiravanymi na pamianšeńnie koštaŭ na enierhanośbity, i vyklučyć rasijski rubiel ź mižnarodnych finansavych raźlikaŭ.
Takoje mierkavańnie vykazaŭ vice-prezident Jeŭrapiejskaha parłamienta Ryšard Čarniecki.
«Patrebnyja sankcyi ŭ vyhladzie niekanviertavanaści rubla i dziejańni dla maksimalnaha źmianšeńnia koštaŭ na naftu i haz. Bo nastupstvy hetaha Rasija adčuje vielmi mocna, značna bolš, čym piersanalnyja sankcyi», — skazaŭ jon, adkazvajučy na pytańnie, što ciapier pavinien zrabić Zachad.
Deputat, jaki pradstaŭlaje ŭ Jeŭraparłamiencie Polšču, vykazaŭ nadzieju, što ŭ zachodnich krain chopić «zdarovaha sensu», kab pryniać takija miery.
Jon taksama padkreśliŭ, što na ahresiju Rasii pavinny «u adzin hołas» adreahavać ŭsie mižnarodnyja instytuty, siarod jakich jon zhadaŭ AAN, NATA i ABSIE.
«Heta apošni momant dla rašučaj reakcyi», dadaŭ palityk, jaki pradstaŭlaje apazicyjnuju ŭ Polščy partyju «Zakon i spraviadlivaść».
Ukrainskaja ŭłada siońnia zajaviła pra nieprychavany ŭvod rasiejskich rehularnych vojskaŭ na terytoryju Ukrainy i zaklikała pravieści nadzvyčajnaje pasiadžeńnie Savieta biaśpieki AAN, a taksama zamarozić usie aktyvy RF za miažoj.
Rasija, jakaja źjaŭlajecca adnym z najbujniejšych u śviecie pradaŭcoŭ nafty i hazu, utrymlivajecca na płavu za košt ich prodažu, tamu rezkaje padzieńnie koštaŭ na enierhanośbity moža pryvieści da istotnych prablem ź finansavańniem biudžetu krainy.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień5
Kamientary