Rasija prosić Zachad «nie ŭzbudžacca» z-za jaje «dobraachvotnikaŭ» na Danbasie
Rasiejski MZS zajaviŭ, što na terytoryi Ukrainy vajujuć «dobraachvotniki z mnohich zamiežnych krain, u tym liku i z RF.
Pra heta idzie havorka ŭ kamientary, apublikavanym u piatnicu.
«Biezumoŭna, jość va Ukrainie i dobraachvotniki z Rasii, pryčym pa abodva baki supraćstajańnia. Adnak kali mižnarodnaja supolnaść budzie ŭzbudžacca tolki z nahody tych ci inšych simptomaŭ ukrainskaha kryzisu, to naŭrad ci heta dapamoža jaho pieraadoleńniu», - zajavili ŭ MZS RF.
Na dumku rasijskich dypłamataŭ, «nie treba paddavacca spakusie advieści dyskusiju ŭbok ad hałoŭnaj zadačy: nieabchodnaści nieadkładnaha i biezumoŭnaha spynieńnia ahniu i chutčejšaha pačatku paŭnavartasnaha ahulnaŭkrainskija nacyjanalnaha dyjałohu».
Adnosna zatrymańnia va Ukrainie rasijskich vajskoŭcaŭ MZS RF paličyŭ nieabchodnym adznačyć nastupnaje:
«Ukrainskija vajennyja traplali i da hetaha času traplajuć na našu terytoryju, u tym liku z bronietechnikaj. My akazvajem im nieabchodnuju miedycynskuju i inšuju dapamohu i adpuskajem. Raźličvajem, što i ŭkrainski bok nieadkładna pastupić anałahičnym čynam».
Kamientary