Siońnia Rasija faktyčna znachodzicca ŭ stanie vajny ź Jeŭropaj.
Takuju zajavu zrabiła prezident Litvy Dala Hrybaŭskajte, prybyŭšy na samit ES u Brusieli.
«Ciapier Rasija faktyčna znachodzicca ŭ stanie vajny z Ukrainaj — krainaj, jakaja imkniecca da bolš blizkaj intehracyi ź ES. Takim čynam, dumaju, možna śćviardžać, što Rasija siońnia znachodzicca ŭ stanie vajny ź Jeŭropaj», — skazała jana.
Pavodle pierakanańnia prezidenta Litvy, ES pavinien dapamahčy Ukrainie ŭ pieršuju čarhu «vajennym abstalavańniem».
Hrybaŭskajcie nazvała sankcyi ES «zanadta ahulnymi» i vykazała nadzieju, što NATA pradastavić Ukrainie vialikuju dapamohu.
Pavodle jaje słoŭ, vialikaj pamyłkaj ES źjaŭlajecca toje, što ciapierašnija sankcyi tyčacca tolki budučych kantraktaŭ z Rasijaj, a nie ŭžo isnych.
«Nam varta pierastać padmanvać siabie i słuchać chłuśniu Pucina», — skazała Hrybaŭskajcie.
Nahadajem, padčas pres-kanfierencyi pa vynikach sustrečy prezident Jeŭrakamisii Barozu zajaviŭ, što JEK padrychtavała dziaržavam-siabram varyjanty adnosna sankcyj suprać Rasii.
Kamientary