Prezident Ukrainy Piatro Parašenka pahutaryŭ pa telefonie z Uładzimiram Pucinym i damoviŭsia ab poŭnym spynieńni ahniu na ŭschodzie Ukrainy, paviedamlaje sajt ukrainskaha prezidenta.
«Vynikam razmovy stała damoŭlenaść ab pastajannym spynieńni ahniu na Danbasie. Było dasiahnuta parazumieńnie nakont krokaŭ, jakija buduć spryjać ustalavańniu miru», — havorycca ŭ paviedamleńni.
U svaju čarhu pres-sakratar Pucina Dźmitryj Piaskoŭ skazaŭ, što prezidenty RF i Ukrainy nie damaŭlalisia ab spynieńni ahniu va Ukrainie, bo Rasija nie źjaŭlajecca bokam kanfliktu, adnak abmiarkoŭvali, jak vyrašyć kanflikt,
Pra heta Piaskoŭ paviedamiŭ RIA Naviny.
«Pucin i Parašenka sapraŭdy abmierkavali kroki, jakija b spryjali b spynieńniu ahniu pamiž apałčencami i ŭkrainskimi siłavikami. Damaŭlacca ab spynieńni ahniu Rasija nie moža fizična, bo nie źjaŭlajecca bokam kanfliktu», — zajaviŭ Piaskoŭ.
Ranicaj pres-sakratar Uładzimira Pucina Dźmitryj Piaskoŭ paćvierdziŭ infarmacyju ab telefonnaj razmovie dvuch lidaraŭ, paviedamiŭšy, što «punkty hledžańnia prezidentaŭ dźviuch krain ab mahčymych šlachach vychadu ź ciažkaj kryzisnaj situacyi ŭ značnaj stupieni supadajuć».
Miž tym ŭ paviedamleńni, raźmieščanym na sajcie Kramla, zhadki pra dasiahnutyja pahadnieńni ab spynieńni ahniu niama. Tam skazana tolki, što «było praciahnuta hruntoŭnaje abmierkavańnie vajennaha i humanitarnaha kryzisu va Ukrainie».
«Kiraŭniki dziaržaŭ abmianialisia dumkami adnosna taho, što treba zrabić u pieršačarhovym paradku dla chutčejšaha spynieńnia krovapralićcia na paŭdniovym uschodzie krainy», — kazałasia ŭ paviedamleńni.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR2
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary