Łukašenka: Stalin syšoŭ daŭno, ja voś apošnim sychodžu, ja stamiŭsia
Alaksandr Łukašenka ŭ intervju viadučamu prahramy «Viesti v subbotu» na telekanale «Rasija-1» Siarhieju Brylovu zajaviŭ, što jaho zasłuhi niama ŭ arhanizacyi pieramovaŭ pa ŭkrainskaj prablemie ŭ Minsku, bo ich inicyjatarami vystupali inšyja baki.
«Niama nijakaj majoj zasłuhi, hulać na hetym, kazać, jaki ja vialiki, što mianie «Zachad palubiŭ». Zachad nikoli, napeŭna, Łukašenku nie palubić. Nikoli. Nie, toje, što nie palubić, heta dakładna. Ale i dobrazyčlivym naŭrad ci budzie», — skazaŭ kiraŭnik biełaruskaj dziaržavy.
«A što tyčycca apošniaha dyktatara Jeŭropy, tak ja žurnalistam časta kažu, radujciesia, bo apošni. Užo nie budzie jaho, raz apošni. Stalin syšoŭ daŭno, inšyja pasychodzili, a ja voś apošnim sychodžu… U vašu historyju, u vaša žyćcio heta ŭvojdzie jak asobnaja staronka», — adznačyŭ Łukašenka.
«Ja 20 hadoŭ prapracavaŭ prezidentam, što mnie jašče treba? Mnie treba dumać, jak tam u ciopłym miescy prychinucca, spakojna pasiadzieć. Ja prosta stamiŭsia ad hetaha. Ja šukaju niedzie kut, kab dzieści cichieńka sieści i adpačyć», — skazaŭ Łukašenka.
Jon upeŭnieny, što Ukraina dla Biełarusi bolš, čym Ukraina dla Rasii. «Rasija kałasalnaja, vielizarnaja, a Ukraina — voś jana, kala paroha, heta naša Ukraina. Ja nie chavaju, Viktar Juščanka karani maje znajšoŭ pamiž Čarnihavam i Kijevam. Dla mianie heta vielmi važna, ja vielmi dobra viedaju Ukrainu i ŭkraincaŭ», — pryznaŭsia kiraŭnik Biełarusi.
-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
-
Novy kanflikt vakoł «Pahoni». Litoŭcy vinavaciać biełaruski futbolny kłub u kradziažy ich simvoliki
-
U Vaŭkavyskim rajonie žycharku vioski aštrafavali za vialikuju kolkaść katoŭ. Ale jurystka dapamahła adbicca
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary