«Biełhazieta»: niama hazetaŭ — niama prablemy
Nieŭklučeńnie ŭ padpisny kataloh šasnaccaci niezaležnych hazetaŭ i vyhnańnie ich z «Sajuzdruku» — adna z najvažniejšych padziejaŭ listapada-śniežnia. Dziaržaŭnaja presa pra jaje, zrazumieła, ni słovam nie abmoviłasia. Źvierniem ŭvahu, što sytuacyju całkam zamaŭčała i «Biełhazieta». Čamu? — zapytalisia my.
Namieśnik hałoŭnaha redaktara Kanstancin Michiejeŭ admoviŭsia kamentavać, spasłaŭšysia, što paŭtara miesiaca chvareŭ. Jahony kaleha Viktar Marcinovič patłumačyŭ, što nia maje paŭnamoctvaŭ kamentavać redakcyjnuju palityku, paraiŭšy źviarnucca da hałoŭnaha redaktara. Ihar Vysocki, hałoŭny redaktar: «Usio heta chłuśnia. My pisali pra tatalnuju začystku infarmacyjnaj prastory niekalki tydniaŭ tamu. Nia pamiataju, chto z žurnalistaŭ pisaŭ». My šukali: try numary tamu znajšlisia hutarki z Paŭłam Jakubovičam i Ramualdam Ułanam pra ahulnyja prablemy z svabodaj presy, pra ŭsio charošaje. Bieź infarmacyi, adnak.
Heta nia pieršy vypadak, kali «Biełhazieta» abychodzić vostryja temy. Byłaja supracoŭnica «Biełhaziety» Iryna Čarniaŭka z skruchaju ŭspaminaje: «Padčas pracy ja sutykałasia z vypadkami, kali materyjały pra pieraśled žurnalistaŭ niezaležnych vydańniaŭ ci pra sytuacyi ź Levanieŭskim, Borys nie drukavalisia. Hałoŭny redaktar takoje ihnaravańnie tłumačyŭ «adsutnaściu intaresu ŭ čytačoŭ da temy». Dla žurnalistki taki padychod byŭ nieprymalny, i jana spyniła supracoŭnictva z vydańniem.
«Novaja nazva — staryja pryncypy», jak havoryć reklama vydańnia.
Sama «Biełhazieta» prablemaŭ z raspaŭsiudam praz padpisku ci šapiki nia maje.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?2
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary