Načalnik upraŭleńnia Śledčaha kamiteta pa Minsku zatrymany ŭ Litvie
U niadzielu ŭviečary na biełaruska-litoŭskaj miažy była zatrymanaja siamiejnaja para ź Biełarusi, jakaja nie zadekłaravała pistaletnyja patrony. Mužčyna — vielmi padobny na načalnika Śledčaha kamiteta pa Minsku.
21 vieraśnia na KPP u Miadzininkai (Miedniki) padčas pravierki zarehistravanaha ŭ Biełarusi lehkavoha aŭtamabila Honda CR-V vyjavili niekalki dziasiatkaŭ patronaŭ kalibru 9 mm Luger, paviedamlaje prakuratura Litvy.
Na hetym aŭtamabili paśla pryvatnaj pajezdki pa Litvie ŭ Biełaruś viartalisia muž i žonka siarednich hadoŭ — hramadzianie Biełarusi, raspaviali ŭ prakuratury. Raspačataje rasśledavańnie dla vyśviatleńnia ŭsich abstavinaŭ zdareńnia.
«Muž i žonka byli zatrymanyja, ab ich zatrymańni va ŭstanoŭlenym paradku infarmavali pasolstva Biełarusi ŭ Litvie. Pradstaŭnikam pasolstva dazvolili sustrecca z zatrymanym D.K. u paniadziełak 22 vieraśnia», — skazana ŭ paviedamleńni prakuratury Litvy.
Niekalki krynic paviedamili TUT.BY, što havorka idzie pra Dźmitryja Kanaplanika — načalnika ŭpraŭleńnia Śledčaha kamiteta pa Minsku, jaki vyjazdžaŭ u Litvu pa asabistych spravach.
U prakuratury Litvy TUT.BY nie paćvierdzili, ale i nie abvierhli infarmacyju ab zatrymańni Kanaplanika. «Pryniata rašeńnie nie vydavać asabistuju infarmacyju pra zatrymanych, ich miescy pracy», — skazali tam.
U prakuratury Litvy skazali, što «ŭ chutkim časie budzie pryniata rašeńnie ab miery strymańnia».
U pasolstvie Biełarusi ŭ Litvie apieratyŭny kamientar dać nie zmahli.
Va ŭpraŭleńni Śledčaha kamiteta pa Minsku tolki skazali, što Dźmitryj Kanaplanik znachodzicca ŭ adpačynku ŭžo tydzień.
Ad inšych kamientaroŭ tam admovilisia.
Siłaviki razhramili M1 — samaje papularnaje ŭ rasijan biełaruskaje kazino7
Siłaviki razhramili M1 — samaje papularnaje ŭ rasijan biełaruskaje kazino
«Heta pytańnie času, ale treba saśpieć». Pucin znoŭ zahavaryŭ pra adziny parłamient i valutu Biełarusi i Rasii6
Žurnalistka BT aburyłasia navinoj pra siabie: Heta była maja pieršaja samastojnaja pajezdka ŭ Jeŭropu16
Ci možna sarvać jabłyki z susiedskaha dreva, kali halina źvisaje nad vašym učastkam? Adkaz vas ździvić5
Kamientary