Zakupkami małaka ŭ Polščy, Litvie i Łatvii zajmajucca ŭžo 15 biełaruskich zavodaŭ.
Pa dadzienych Departamienta vieterynarnaha i charčovaha nahladu Minsielhascharču Biełarusi, jaki zajmajecca vydačaj dazvołaŭ na ŭvoz padkantrolnych tavaraŭ, na pačatak biahučaha tydnia ŭ pastaŭkach jeŭrapiejskaha małaka ŭdzielničali 15 zavodaŭ.
Za žnivień i 19 dzion vieraśnia na pierapracoŭku na biełaruskija pradpryjemstvy prajšło niekalki tysiač ton małočnaj syraviny — małočnaj pradukcyi, pasteryzavanych małaka i viarškoŭ.
Samy bujny imparcior — brescki «Savuškin pradukt» — manapalizavaŭ pastaŭki z Polščy.
Bolšaść biełaruskich zavodaŭ zakuplaje małako ŭ litoŭskich sielhasvytvorcaŭ. Da Biarozaŭskaha syrarobnaha kambinata, «Babuškinoj krynki», Vierchniadźvinskaha masłasyrzavoda i Pastaŭskaha małočnaha zavoda, jakija impartavali małako z hetaj krainy ŭ žniŭni, u vieraśni dadalisia barysaŭskaja «Zdravuška-miłk»,«Biełsyr»,«Małočnyja horki», Słucki syrarobny kambinat, Maładziečanski małočny kambinat, «Smarhonskija małočnyja pradukty».
Na litoŭskim i łatvijskim małace pracujuć «Lidskaja krynka», Turaŭski małočny i Hłybocki małočnakansiervavy kambinaty. Łatvijskaje małako taksama pierapracoŭvaje Lachavicki małočny zavod.
U kancy minułaha tydnia pradstaŭniki Raśsielhasnahladu zajavili, što Rasieja moža abmiežavać impart pradukcyi šerahu rybnych i małočnych pradpryjemstvaŭ Biełarusi z-za praparcyjanalnaha rostu ryzyk na fonie rezkaha pavieličeńnia pastavak ryby z Narviehii i małočnaj pradukcyi ź Litvy i Polščy ŭ krainu.
«My pastavili na manitorynh pradukcyju šerahu biełaruskich pradpryjemstvaŭ. Kali ŭ nas buduć padstavy sumniavacca ŭ jaje biaśpiecy, viadoma ž, my prymiem svaje miery», — skazaŭ, u pryvatnaści, pradstaŭnik Raśsielhasnahladu Alaksiej Alaksiejenka.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary