«Ja hetaha nie vyklučaju, nie», — skazaŭ Tramp u efiry telekanała NBC News.
Prezident Złučanych Štataŭ Donald Tramp nie vyklučyŭ u budučyni mahčymaj vajennaj kampanii suprać Vieniesueły, paviedamlaje NBC News.
«Ja hetaha nie vyklučaju, nie», — skazaŭ Tramp u efiry telekanała NBC News
Prezident taksama anansavaŭ uzmacnieńnie mier u dačynieńni da naftavych tankieraŭ kala bierahoŭ Vieniesueły, u pryvatnaści ich błakavańnie. «Usio zaležyć ad ich (uradu Vieniesueły). Kali jany praciahnuć maršruty, to płyvuć da adnaho z našych partoŭ», — dadaŭ prezident ZŠA.
Pry hetym NBC News adznačaje, što Tramp admoviŭsia adkazvać na pytańnie, ci źjaŭlajecca źviaržeńnie vieniesuelskaha prezidenta Nikałasa Madura kančatkovaj metaj jaho palityki na hetym kirunku.
«Jon dakładna viedaje, čaho ja chaču», — adkazaŭ prezident ZŠA.
Donald Tramp 16 śniežnia zajaviŭ, što addaje zahad ab poŭnaj błakadzie ŭsich padsankcyjnych naftavych tankieraŭ, jakija nakiroŭvajucca ŭ Vieniesuełu abo vychodziać ź jaje vod. Pavodle jaho słoŭ, heta budzie doŭžycca da taho času, pakul Vieniesueła nie viernie ZŠA «ŭsiu naftu, ziamlu i inšyja aktyvy, jakija jany raniej u nas skrali».
Taksama prezident ZŠA zajaviŭ, što režym prezidenta Vieniesueły Nikałasa Madura abvieščany «zamiežnaj terarystyčnaj arhanizacyjaj».
Ciapier čytajuć
Andrej Švied, architektar represij, pryznačany staršynioj Viarchoŭnaha suda20
Kamientary