Rasija nie maje namieru padryvać ekanomiku Ukrainy.
Pra heta, jak paviedamlaje «Interfaks», zajaviŭ u piatnicu, 26 vieraśnia, na pres-kanfierencyi ŭ Ńju-Jorku kiraŭnik MZS RF Siarhiej Łaŭroŭ.
«Nijakich mier pakarańnia Ukrainie, nijakich mier pa padryvu ŭkrainskaj ekanomiki nichto nie abviaščaŭ i abviaščiać nie źbirajecca», — padkreśliŭ ministr, dadaŭšy, što kantakty z Kijevam zachoŭvajucca na ŭsich uzroŭniach.
Pavodle jaho słoŭ, u vypadku ŭstupleńnia Ukrainy ŭ zonu svabodnaha handlu ź ES nijakich mier bolš surjoznych, čym ŭviadzieńnie režymu najbolšaha spryjańnia ŭ handli z Kijevam, Maskva ŭvodzić nie maje namieru.
«My vymušanyja budziem admovicca ad nulavych taryfnych stavak na ŭkrainski ekspart u RF i prosta vierniemsia ŭ handal z Ukrainaj u režymie najbolšaha spryjańnia.
Roŭna heta i bolš ničoha», - rastłumačyŭ kiraŭnik MZS RF.
Kryzis va Ukrainie, pa słovach Łaŭrova, vyklikany prablemami biaśpieki na ŭsim Jeŭrapiejskim kantyniencie, što nazapasilisia paśla chałodnaj vajny. «Kali paśla zaviaršeńnia chałodnaj vajny ŭzhadnialisia hučnyja dekłaracyi, što biaśpieka pavinna być roŭnaj i niepadzielnaj dla ŭsich krain Jeŭropy, na spravie hetaha nie adbyvałasia», — skazaŭ jon, panarakaŭšy, što «ŭračystyja abiacańni zrabić tak, kab niepadzielnaść biaśpieki stała padmurkam jeŭrapiejskaj architektury, zastalisia na papiery, u dekłaracyi».
Rasija, zapeŭniŭ kiraŭnik MZS RF, zrobić usio dla realizacyi minskich damoŭlenaściej va Ukrainie.
«Što b ni zajaŭlali ŭ Kijevie, što b ni zajaŭlali ŭ Daniecku i Łuhansku, jany ŭzhadniajuć dalejšyja kroki ŭ ramkach minskaha pracesu», — cytuje Łaŭrova ITAR-TASS.
Kiraŭnik MZS RF taksama abvinavaciŭ premjer-ministra Ukrainy Arsienija Jacaniuka ŭ padryvie mirnaha pracesu.
«Časam stvarajecca ŭražańnie, što niekatoryja členy ŭkrainskaha ŭrada, u pryvatnaści, spadar Jacaniuk, jaki byŭ pryznačany Viarchoŭnaj Radaj premjer-ministram, jon nie padtrymlivaje kroki, jakija viaduć da narmalizacyi stanovišča na paŭdniovym uschodzie Ukrainy».
Łaŭroŭ vykazaŭ nadzieju na toje, što praces urehulavańnia na paŭdniovym uschodzie Ukrainy «stanie ŭstojlivym». «Jon moža być tolki paetapnym, paśladoŭnym, patrabujučym pravilnaha supravadžeńnia, kali ŭsie źniešnija ŭdzielniki, hulcy dziejničali b u adnym klučy», — skazaŭ jon.
Va Ukrainie zahinuła 24-hadovaja biełaruskaja dobraachvotnica Maryja Zajcava15
Kamientary