Antynarkatyčnyja moładzievyja atrady stvoranyja ŭ čatyroch VNU Homielskaj vobłaści
Antynarkatyčnyja moładzievyja atrady stvoranyja ŭ čatyroch VNU Homielskaj vobłaści, paviedamiŭ načalnik upraŭleńnia pa narkakantroli i supraćdziejańni handlu ludźmi UUS abłvykankama pałkoŭnik milicyi Juryj Markievič.
Pieršy dośvied pracy padobnych studenckich atradaŭ pakazvaje, što na dadzieny momant heta najbolš efiektyŭnaja forma prafiłaktyki narkamanii ŭ moładzievym asiarodździ. Studenty bolš achvotna prysłuchoŭvajucca da adnahodkaŭ, kali tyja ŭ dastupnaj formie raspaviadajuć ab realnych nastupstvach zaležnaści, vykarystoŭvajučy tematyčnyja filmy. U jakaści najbolš pakazalnaha prykładu efiektyŭnaści takoj pracy Juryj Markievič nazvaŭ toj fakt, što siarod vučniaŭ, pryciahnutych da kryminalnaj adkaznaści za narkamaniju, dola studentaŭ vyličajecca adzinkavymi vypadkami. Tamu praktyku stvareńnia takich atradaŭ na terytoryi vobłaści płanujecca praciahnuć.
Tym časam, adznačyŭ načalnik upraŭleńnia, apieratyŭnaja abstanoŭka pa linii narkakantrolu zastajecca składanaj. Za 9 miesiacaŭ u Homielskaj vobłaści vyjaŭlena 766 złačynstvaŭ, źviazanych ź niezakonnym abarotam narkotykaŭ, suprać 507 za anałahičny pieryjad minułaha hoda. Čaściej za ŭsio ŭ pole zroku milicyi traplajuć maładyja ludzi.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary