Siońnia pačaŭsia sudovy praces pa abaronie, honaru, hodnaści dziełavoj reputacyi kiraŭnika aficyjnaha piśmieńnickaha sajuzu Mikałaja Čarhinca. Jon vykazaŭ svaje pretenzii da publikacyi ŭ hazecie «Novy čas» palityčnaha narysa žurnalista Alaksandra Tamkoviča «Hienerał i senatar Mikałaj Čarhiniec». + Fotarepartaž Julii Daraškievič.
Siońnia pačaŭsia sudovy praces pa abaronie, honaru, hodnaści dziełavoj reputacyi kiraŭnika aficyjnaha piśmieńnickaha sajuzu Mikałaja Čarhinca. Jon vykazaŭ svaje pretenzii da publikacyi ŭ hazecie “Novy čas” palityčnaha narysa žurnalista Alaksandra Tamkoviča “Hienerał i senatar Mikałaj Čarhiniec”.
Padtrymać Tamkoviča da sudu Pieršamajskaha rajonu pryjšli Vincuk Viačorka, Anatol Labiedźka, Viačasłaŭ Siŭčyk, Ihar Rynkievič, Valery Ščukin, Siarhiej Skrabiec, Žanna Litvina. Zalu dla słuchańnia spravy vydzielili nia samuju vialikuju, tamu častka ludziej nie zmahła trapić na praces. Faktyčna adrazu sudździa Ananič vydaliła z zali palityka Skrabca i historyka Alaksieja Chadyku, jakija śmiajalisia.
Sam Čarhiniec na sud nie źjaviŭsia, bo ŭ jaho “važnyja dziaržaŭnyja spravy”. Pradstaŭnica hienerała začytała niadaŭni list Alaksandra Tamkoviča da Čarhinca, dzie vykazvałasia škadavańnie, što publikacyja niejak abraziła palityka. U suviazi z hetym zajaŭnik źmienšyŭ pamier pazoŭ: ad Tamkoviča ciapier jon patrabuje atrymać 5 miljonaŭ rubloŭ maralnaj kampensacyi, a ad vydaviectva “Čas navinaŭ” – 50 miljonaŭ. Raniej hetyja ličby raŭnialisia 500 i 100 miljonam rubloŭ adpaviedna.
Pretenzii Čarhinca vyklikajuć ceły šerah momantaŭ publikacyi: ad zhadki pra litaraturnych raboŭ, da słavalubstva hienerała i ciahi jaho da samapijaru. Taksama Čarhinca aburyła fraza pra “nizkuju jakaść jahonych tvoraŭ”. Abarona adkazała pa kožnamu z punktaŭ abvinavačvańnia.
Sam Alaksandar Tamkovič zajaviŭ, što maje za racyju pa ŭsich punktach.
Abarona zajaviła chadatajnictva pra litaraturnuju ekspertyzu narysa A. Tamkoviča. Sudździa Alena Ananič admoviła ŭ prośbie.
Byŭ zasłuchany śviedka z boku pazoŭnika, jaki paćvierdziŭ słužbu M. Čarhinca ŭ Aŭhanistanie. Jon, u pryvatnaści, paviedamiŭ: "Na kuchni ŭ Mikałaja Ivanaviča stajaŭ kulamiot, a ŭ zali lažali hranaty".
Paśla sudovych sprečak sudździa abvieściła, što praciah pracesu pačniecca zaŭtra a 9-j.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju19
Kamientary