Łukašenka padtrymaŭ ideju naboru ŭ piedahahičnyja VNU biez konkursu vypusknikoŭ piedahahičnych kłasaŭ
«Heta narmalna. I kali b nie było prablem z pryciahnieńniem abituryjentaŭ na piedahahičnyja śpiecyjalnaści, — adznačyŭ kiraŭnik dziaržavy ŭ čas sieminara sa studentami, vykładčykami i vypusknikami Biełaruskaha dziaržaŭnaha piedahahičnaha ŭniviersiteta imia M.Tanka. — Ja zhodny, tamu što tyja dzieci, jakija ŭ škole vybrali dla siabie hety šlach, iduć śviadoma. Vielmi dobraja ideja dla rašeńnia».
Rektar BDPU Alaksandr Žuk paćvierdziŭ, što takija dzieci sapraŭdy hatovy da navučańnia ŭ piedahahičnaj VNU, pakolki ŭ mnohich ź ich mocnaja padrychtoŭka ŭ škole, niekatoryja pachodziać ź piedahahičnych dynastyj.
Alaksandr Łukašenka ličyć, što nieabchodna vyznačycca ź miechanizmam pryjomu ŭ VNU takich dziaciej, pravodziačy dla ich adpaviednyja hutarki abo prymajučy pa rekamiendacyi piedsavieta, zavieranaj va ŭpraŭleńniach adukacyi, sportu i turyzmu administracyj rajonaŭ.
Jon prapanavaŭ pieranieści heta i na inšyja VNU, u pryvatnaści ahrarnaha, vajennaha profilu. «Treba surjozna hetym zaniacca». Alaksandr Łukašenka taksama ličyć, što takim čynam možna pašyryć metavy nabor abituryjentaŭ.
Va Ukrainie zahinuła 24-hadovaja biełaruskaja dobraachvotnica Maryja Zajcava9
Kamientary