"A ŭličvajučy, što ŭ novym hodzie projduć parlamenckija vybary, kolkaść represij, niesumnienna, uzraście".
Situacyja z vykanańniem pravoŭ čałavieka ŭ Biełarusi ŭ 2008 hodzie nie palepšycca, ličać pravaabaroncy.
Jak zaznačyŭ u intervju BiełaPAN pravaabaronca Valancin Stefanovič, "uličvajučy, što ŭ novym hodzie projduć parłamienckija vybary, kolkaść represij, niesumnienna, uzraście". Razam z tym, jon spadziajecca, što "takich žorstkich represij, jak u 2006 hodzie, nie budzie".
Jaho kaleha Aleś Bialacki prahnazuje, što 2008 hod "budzie bolš vostrym i dramatyčnym, čym 2007-y". "Ale mietady kiraŭnictva dziaržavaj ułada nie mianiaje — jany šmat u čym hruntujucca na represiach. Ja dumaju, što hetaja administracyjna-kamandnaja sistema asudžana na parazu, kali nie ŭ 2008 hodzie, to ŭ niedalokaj budučyni", — ličyć A.Bialacki.
Adzin z kiraŭnikoŭ Biełaruskaha Chielsinkskaha kamiteta (BCHK) Aleh Hułak miarkuje, što novy hod budzie ŭ mnohim paŭtarać papiaredni. "I Jeŭrapiejski sajuz, i mižnarodnaja supolnaść, i biełaruskija demakratyčnyja siły buduć sa spadzievam hladzieć u tumanny haryzont i čakać niejkich krokaŭ ad biełaruskaj ułady. U toj ža čas, biełaruskaja ŭłada budzie manieŭravać pamiž žadańniami i mahčymaściami. Z adnaho boku, hetyja dziejańni buduć skiravanyja na zachavańnie samoj ułady, što abapirajecca, u asnoŭnym, na represii, ź inšaha — nie psavać adnosiny ź Jeŭropaj, a z treciaha — nie dapuścić inkarparacyi Biełarusi ŭ Rasiju", — ličyć A.Hułak.
Na dumku pravaabaroncy, nie treba spadziavacca na budučyja parłamienckija vybary ŭ płanie demakratyzacyi. "Demakratyčnymi vybary mohuć stać tolki ŭ suviazi z realnym palapšeńniem ahulnaj situacyi z pravami čałavieka. Biez takoha palapšeńnia vybary niemahčymy, a ŭłada na heta naŭrad ci pojdzie. U mižnarodnaj supolnaści, aprača čarhovych kanstatacyj i zajaŭ, praktyčna nie zastałosia realnych instrumientaŭ dla ŭpłyvu na situacyju ŭ Biełarusi, i asabliva na demakratyzacyju vybarčaha pracesu", — ličyć pradstaŭnik BCHK.
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»1
Kamientary